Urushning ayoldan yiroq qiyofasi (teleserial)
| Urushning ayoldan yiroq qiyofasi | |
|---|---|
| У войны не женское лицо | |
 | |
| Rejissyor(lar) | Viktor Nikiforovich Dashuk |
| Ssenariynavis(lar) |
Svetlana Aleksandrovna Alekseyevich Viktor Nikiforovich Dashuk |
| Qaysi asarga asoslangan |
Svetlana Alekseyevich asari asosida |
| Studiya(lar) | hujjatli filmlar studiyasi „Blorusfilm“ |
| Chiqarilgan sanasi | 1981—1984-yillar |
| Davomiyligi | 123 minutlar atrofida |
| Mamlakat | SSSR |
| Til | ruscha |
„Urushning ayoldan yiroq qiyofasi“ – yetti qismdan iborat hujjatli teleserial. 1981—1984 yillarda rejissyor Viktor Dashuk va adabiyot boʻyicha 2015-yilgi Nobel mukofoti sovrindori Svetlana Aleksiyevich ssenariysi asosida „Letopis“ studiyasida suratga olingan „Belarusfilm“ mahsuloti.
Film taxminan 10-25 daqiqalik yettita qisqa epizodda Ulugʻ Vatan urushi davridagi ayollar taqdirini tasvirlaydi. Film Svetlana Aleksiyevich bilan urush qatnashchi ayollari orasidagi boʻlib oʻtgan suhbatlarining 500 ga yaqin lenta yozuvlariga asoslangan boʻlib, keyinchalik bu uning shu nomdagi kitobi uchun asos boʻldi[1] . Oq-qora televizion filmlar Ulugʻ Vatan urushi haqidagi hujjatli kadrlarni urushda qatnashgan film qahramonlarining nutqlari bilan aralashtirib yuboradi.
Film quyidagi qismlardan iborat:
| Seriya raqami. | Epizod nomi | Chiqarilgan | Davomiyligi |
|---|---|---|---|
| 1 | Bu men emasdim… | 1981-yil | 19:43 |
| 2 | Men otishni xohladim | 1982-yil | 16:25 |
| 3 | Tumanli tong | 1982-yil | 24:43 |
| 4 | Men sizni uchratdim | 1982-yil | 9:54 |
| 5 | Agar qiz tugʻilsa | 1983-yil | 19:47 |
| 6 | Oʻshanda yigʻlamadim | 1984-yil | 13:44 |
| 7 | Mehr | 1984-yil | 19:09 |
V. N. Dashuk „Men olov qishlogʻidanman“ va „Urushning ayoldan yiroq qiyofasi“ hujjatli filmlari uchun 1985-yil SSSR Davlat mukofotiga sazovor boʻlgan. Qolaversa, Leyptsigdagi xalqaro hujjatli va animatsion filmlar festivalida „Kumush kabutar“ (1983) hamda Findling mukofoti (1983, Sharqiy Germaniya)[2] taqdirlangan.
Belaruslik yozuvchi va front askari Vasil Bikov urushda qatnashmagan avlodning harbiy mavzuga yondashuviga misol sifatida Svetlana Aleksievich va Viktor Dashukning asarlarini keltiradi. „Halol, rostini aytganda, hech qanday kamchiliklarsiz va boʻrttirishlarsiz hamda oxirgi urush ularning ogʻir hayotiga va abadiy taqdiriga aylangan odamlarning qilmishlari va soʻzlariga hurmat bilan yozilgan“ – deya taʼrif beradi V.Bikov[3].
Svetlana Aleksievichning xuddi shu nomdagi kitobi 1984-yilda nashr etilgan..