Topozero
Topozero — Rossiya Federatsiyasi Kareliya Respublikasining shim. qismidagi koʻl. Maydoni 986 km². Chuq. 56 m gacha. 109 m balandlikda. Shimoliy va shim.gʻarbdan jan. va jan. sharqqa choʻzilgan. T.da 150 ga yaqin orol bor (umumiy maydoni 63 km²). Muzliktektonik yoʻl bilan hosil boʻlgan. Kanal va Pongoma daryosi orqali Oq dengiz bilan tutashgan. Asosan, qordan toʻyinadi. T. suvi tiniq va chuchuk. Okt. oxiri — noyabr
da muzlab, may oyida eriydi. Sathi iyunda eng yuqori, aprelda eng past. Kum GES qurilganidan keyin (1966) Kum suv omborining tarkibiy qismi boʻlib qoldi. Yogʻoch oqiziladi. Baliq ovlanadi.
Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
Bu andozani aniqrogʻiga almashtirish kerak. |