Tit Flaviy Vespasian

Vikipediya, ochiq ensiklopediya

Tit Flaviy Vespasian (Titus Flavius Vespasianus) (39—81) — Rim imperatori (79—81); flaviylar sulolasidan. Vespasianning oʻgʻli va vorisi. 73—79 yillarda Vespasianning taxtdoshi sifatida senatdagi aristokratlar oppozitsiyasi bilan kurash olib borgan. Imperator boʻlgach, senat bilan kelishib hokimiyatni boshqargan. 80 yilda Rimda sodir boʻlgan oʻlat va yongʻin, 79 y. 24 avg .da Vezuviy vulqonining otilishi (uning natijasida Pompeya, Gerkulanum va Stabiya sh.lari yoʻq boʻlgan) oqibatlarini tugatish hamda turli maqsadlar uchun tarqatiladigan sovgʻalar, tomoshalar va jamoat binoladei qurilishi (Kolizey, Termalar qurilishi tugallangan va boshqalar) uchun katta mablagʻ sarflagan.