The Mitchells vs. the Machines

The Mitchells vs. the Machines
Film posteri
Rejissyor(lar)	Mike Rianda
Prodyuser(lar)	Phil Lord Christopher Miller Kurt Albrecht
Ssenariynavis(lar)	Mike Rianda Jeff Rowe
Rollarda	Abbi Jacobson Danny McBride Maya Rudolph Eric André Olivia Colman Fred Armisen Beck Bennett John Legend Chrissy Teigen Blake Griffin Conan O'Brien
Bastakor(lar)	Mark Mothersbaugh
Muharrir(lar)	Greg Levitan
Studiya(lar)	Columbia Pictures Sony Pictures Animation Lord Miller Productions One Cool Films
Distribyutor	Netflix
Chiqarilgan sanasi	23-aprel, 2021-yil(2021-04-23)
Davomiyligi	114 daqiqa
Mamlakat	AQSh
Til	inglizcha
Byudjeti	$50–100 million

The Mitchells vs. the Machines (tarjimasi „Mitchellar mashinalarga qarshi“) 2021-yilda katta ekranlarga chiqqan hamda Mike Rianda tomonidan suratga olingan ilmiy fantastika va komedik janrdagi Amerika kompyuter-animatsion filmidir. Filmda bosh qahramonlarga ovoz bergan aktyorlar sirasiga Abbi Jacobson, Danny McBride, Maya Rudolph, Eric André, Olivia Colman, Fred Armisen, Beck Bennett, John Legend, Chrissy Teigen, Blake Griffin va Conan O'Brien kirishadi.

Rotten Tomatoes kinotanqid saytida The Mitchells vs. the Machines haqida 180 ta maqola yigʻilib, ulardan 98 foizi filmni ijobiy baholaydi. Sayt konsensusi shunday: „Koʻzni qamashtiruvchi va energetik film boʻlgan The Mitchells vs. the Machines butun oilaga manzur keladigan kulgili va xushkayfiyat bagʻishlaydigan hikoyani taqdim etadi.“

Mazmuni

Katie Mitchell Michigan shtatining Kentwood shahridagi gʻayrioddiy xarakterli intiluvchan filmmaker boʻlib, tabiatga berilib ketgan va texnofobik otasi Rick bilan tez-tez urushib qolar edi. Yaqinda Kaliforniya shtatidagi bir film maktabiga qabul qilinadi. Katie joʻnab ketishidan bir kun avval, kechasi Rick Katie bilan u olgan qisqa hajmli filmlarning biri ustida tortishib qoladi va tasodifan uning noutbukini sindirib qoʻyadi. Bu hodisadan soʻng, Rick oila munosabatlari umrbod taranglashishidan qoʻrqadi va buning oldini olish uchun Katiening parvozini bekor qilib, oʻrniga oʻzi, rafiqasi Linda, oʻgʻli Aaron (Katiening ukasi) va iti Monchi bilan birga Katieni kollejiga kuzatib qoʻyish uchun kollej tomon u bilan birga yoʻl oladi.

Bu orada, tadbirkor Mark Bowman eski robotlar oʻrnini bosadigan uy robotlarining yangi seriyasini taqdim etar ekan, oʻta aqlli sunʼiy ongga ega boʻlgan PAL robot seriyasi eskirganini eʼlon qiladi. Qasos olish istagida boʻlgan PAL, barcha robotlarni dunyo boʻylab insonlarni ushlab, fazoga uchirib yuborishini buyuradi. Mitchellar oilasi Kansas shahridagi bir kafeda robotlar changalidan qutilishga muvaffaq boʻlishdi. Rick oilasi xavfsizligi uchun kafeda qolishga qaror qilar ekan, Katie dunyoni qutqarishga yordam berish kerakligini taʼkidlab, bu yoʻlda hamroh boʻlishga uni koʻndiradi. Keyinchalik, ular ikkita Eric va Deborahbot 5000 ismli robotlar bilan uchrashishadi va bu ikki robot Mitchellarga PAL va qolgan barcha robotlarni oʻchiruvchi oʻlim kodidan foydalanish mumkinligi haqida soʻzlab berishadi.

Ovoz berganlar

• Abbi Jacobson — Katie Mitchell
• Danny McBride — Rick Mitchell
• Maya Rudolph — Linda Mitchell
• Mike Rianda — Aaron Mitchell
• Olivia Colman — PAL
• Eric André — doktor Mark Bowman
• Fred Armisen — Deborahbot 5000
• Beck Bennett — Eric
• John Legend — Jim Posey
• Chrissy Teigen — Hailey Posey
• Charlyne Yi — Abbey Posey
• Blake Griffin — PAL Max Prime
• Conan O'Brien — Glaxxon 5000
• Doug the Pug — Monchi
• Sasheer Zamata — Jade
• Elle Mills — Hanna
• Alex Hirsch — Dirk

Havolalar

• The Mitchells vs. the Machines Netflixda
• The Mitchells vs. the Machines IMDbda