Tamara Perederiyenko

Tamara Perederiyenko
Tavalludi	1916-yil Toshkent, Turkiston, Rossiya imperiyasi
Vafoti	23-avgust 1969-yil
Mukofotlari

Tamara Danilovna Perederiyenko (1916-yil, Toshkent shahri, hozirgi Oʻzbekiston Respublikasi – 1969-yil 23-avgust) – Ukraina Sovet arbobi, Lvov mexanizatsiyalashgan shisha zavodi direktori. SSSR Oliy Kengashining 7-chaqiriq deputati.

Biografiyasi

Tamara Danilovna 1916-yil, Toshkent shahrida Temiryoʻlchilar oilasida tavallud topgan. U maktabda yetti yil tahsil olgan va 1933-yildan Moskva transport-iqtisodiyot institutining ishchilar fakultetiga oʻqishga kirgan va oʻzining ilmiy faoliyatini boshlagan.

1938-yilda Qozon kimyo-texnologiya institutini tamomlagan.

Perederiyenko 1938-yildan Shimoliy Osetiya Avtonom Sovet Sotsialistik Respublikasining Orjonikidze shahridagi „Steklotara“ zavodida sex boshligʻi boʻlib faoliyat olib borgan. 1942-yilda Ulugʻ Vatan urushi yillarida Toshkent shahriga evakuatsiya qilinib, shisha zavodida smena boshligʻi boʻlib ishlagan.

Tamara 1947-yildan 1956-yilgacha Lvov mexanizatsiyalashgan shisha zavodida usta va ustaxona boshligʻi boʻlgan. Shisha zavodi partiya tashkiloti kotibi etib saylangan.

1952-yildan KPSS aʼzosi boʻlgan. Tamara SSSR Oliy Kengashining 7-chaqiriq deputati etib saylangan.

Tamara 1956-yildan 1969-yil 23-avgustgacha Lvov mexanizatsiyalashgan shisha zavodida direktor vazifasida ishlagan. Uning yordami bilan deraza oynalarini uzluksiz ishlab chiqarishning yangi usuli ishlab chiqilgan va oʻzlashtirilgan.

Deputat Tamara baxtsiz avtohalokat natijasida 1969-yil 23-avgustda vafot etgan.

Oilasi

Tamaraning akasi Perederienko Ivan Danilovich, texnika fanlari nomzodi, dotsent, Lvov politexnika instituti qurilish ishlab chiqarish kafedrasi mudiri boʻlgan. 1969-yil 23-avgustda avtohalokat natijasida vafot etgan.

Mukofotlari

Perederienko Lenin ordeni, "Hurmat belgisi" ordeni sohibi boʻlgan. Bundan tashqari bir qancha medallar hamda Stalin mukofoti laureati mukofotlari bilan taqdirlangan.