Sobir Kamolov (tarixchi)

Vikipediya, ochiq ensiklopediya

Sobir Kamolovich Kamolov (1924.10.9, hozirgi Qoraqalpogʻiston Respublikasi, Chimboy tumani, Qorabugʻa qishlogʻi) — tarixchi. Oʻzbekiston Fanlar akademiyasi akademik (1979), Oʻzbekiston (1974) va Qoraqalpogʻiston (1973)da xizmat koʻrsatgan fan arbobi, tarix fanlari doktori (1969). Qoraqalpogʻiston ped. institutini tugatgan (1948). Qoraqalpogʻiston ped. instituti rektori (1957—61), Oʻzbekiston Fanlar akademiyasi Qoraqalpogʻiston boʻlimi Prezidiumi raisi (1961—96) va maslahatchi (1996 yildan). Oʻzbekiston Fanlar akademiyasi Prezidiumi aʼzosi (1984—98). Kamolovning ilmiy faoliyati qoraqalpoq xalqining etnik tarixi, shakllanishi va madaniyati, shuningdek, Oʻrta Osiyo xalqlari, jumladan, qoraqalpoklarning Rossiya bilan oʻzaro munosabatlari tarixiga oid. K. 300 dan ziyod ilmiy asarlar (jumladan, 10 tasi xorijda nashr etilgan) muallifi. "Jasorat" va "Shuhrat" medallari bilan takdirlangan (1994).

Adabiyot[tahrir | manbasini tahrirlash]

  • Karakalpaki v XVIII — XIX vekax, T., 1968; Iz istorii vzaimootnosheniy karakalpakov s drugimi narodami Sredney Azii i Kazaxstana v XVIII — nachale XIX v. (v soavtorstve), T., 1988.[1]

Manbalar[tahrir | manbasini tahrirlash]

  1. OʻzME. Birinchi jild. Toshkent, 2000-yil