Servis

Vikipediya, ochiq ensiklopediya
Jump to navigation Jump to search

Servis (ing . service — xizmat) — jismoniy va yuridik shaxslarga, umuman keng aholiga xizmat koʻrsatish; i.ch.texnika maqsadlaridagi mahsulotlarni, madaniymaishiy, xoʻjalik va boshqa sanoat mahsulotlarini sotish hamda ularni ishlatish bilan bogʻliq boʻlgan xizmat koʻrsatish sohalari. S. texnika vositalari, maishiyroʻzgʻor apparaturasi, kommunal texnikani sozlash va taʼmirlashga nisbatan ham qoʻllanadi. S. ning quyidagi turlari mavjud: sotuvga qadar va sotuvdan keyin S. (kafolatli, kafolatdan keyingi). Sotuvga qadar S. mahsulotlarni tashish vaqtida sodir boʻlgan nuqsonlarni bartaraf etish, tovarni ish holatiga keltirish, tovarning ishlashini haridorlarga namoyish etish va boshqalarni kamraydi. Sotuvdan keyingi (kafolatli) S. tovarning normativtexnik hujjatida yoki shartnomada shartlashilgan muddatlarda yuz bergan nuqsonlarini oʻz vaqtida bartaraf etishdan iborat. Bunga haridorni buyumni ishlatish qoidalari bilan dastlabki tanishtirishni kiritish mumkin. Kafolatli S. xizmati harajatlari sotish narxiga kiritilgani uchun bunday xizmatlar tekinga koʻrsatiladi. Kafolat muddati oʻtgandan soʻng S. sozlash va zarur qismlar bilan taʼminlash, buyumdan foydalanish boʻyicha maslahat berish va 6., odatda, shartnoma asosida haq olib amalga oshiriladi.[1]

Manbalar[tahrir]

  1. OʻzME. Birinchi jild. Toshkent, 2000-yil