Sarsenbay Seytnazarov

Sarsenbay Seytnazarov
Tavalludi	1-aprel 1960-yil (64 yosh); Taxtakoʻpir tumani, Qoraqalpogʻiston ASSR
Fuqaroligi	Oʻzbekiston
Kasbi	fermer
Unvoni

Sarsenbay Erjanovich Seytnazarov (1961-yil 1-aprel, Taxtakoʻpir tumani, Qoraqalpogʻiston Avtonom Sovet Sotsialistik Respublikasi) – fermer, sobiq senator, Oʻzbekiston Qahramoni (2011).

Mehnat faoliyati[tahrir | manbasini tahrirlash]

Mehnat faoliyatini 1981-yil Taxtakoʻpir tumanidagi 27-mexanizatsiyalashgan kolonnada ishchi sifatida boshlagan. Bu yerda 1983—1985-yillar davomida qurilish boʻyich master vazifasini bajargan. 1985-yildan esa „Maqpalkoʻl“ nomli yoshlar sholichilik brigadasini boshqaradi. Brigada uning rahbarligi ostida bir qator yutuqlarga erishadi^[1].

2000-yilda 647 gektar maydonda oʻzining „Tayimbet“ nomli fermer xoʻjaligini tashkil etgan. Bu yerda asosan paxta, shuningdek, kungaboqar, joʻxori yetishtirilgan. 2004-2005-yillarda sholichilik, 2006-yildan sholining suvli yerida esa baliqchilik bilan ham shugʻullangan.

2007-yilgi „Tashabbus-2007“ tanlovida Sarsenbay Setnazarov „Eng yaxshi fermer“ nominatsiyasida gʻoliblikni qoʻlga kiritib, „Matiz“ avtomobiliga ega boʻlgan.

Shuningdek fermer bir qator xayriya ishlariga ham hissa qoʻshgan. Taxtakoʻpir tumanidagi koʻprik, maktablar taʼmirida va aholini moddiy qoʻllab-quvvatlash ishlarida boshchilik qilgan.

2011-yilda „Oʻzbekiston Qahramoni“ unvoni bilan taqdirlangan, shuningdek xuddi shu yili Oʻzbekiston Respublikasi Oliy Majlisiga senator etib tayinlangan^[2].

2013-yildan Qoraqalpogʻiston fermerlar kengashi raisi^[1].

Oilasi[tahrir | manbasini tahrirlash]

Uylangan, bir qiz, ikki oʻgʻli bor. Turmush oʻrtogʻi – Perdexan Esimbetova. Qizi – Nargiza Toshkent davlat pediatriya insistitutining Nukus filialini bitirib, Nukus davlat pediatriya birlashmasida shifokor boʻlib ishlaydi. Katta oʻgʻli – Yusup Qoraqalpoq davlat universitetini tamomlagan, kenja oʻgʻli esa Pekindagi kollejda turizm mutaxassisligi boʻyicha taʼlim olgan.

Mukofotlari[tahrir | manbasini tahrirlash]

2007-yil – „Tashabbus-2007“ tanlovida „Eng yaxshi fermer“ nominatsiyasida gʻolib, „Matiz“ avtomobili sohibi;

2011-yil 23-abgust – Oʻzbekiston mustaqilligini mustahkamlash, uning jahon miqyosidagi shon-shuhratini yuksaltirish, islohotlarni yanada chuqurlashtirish borasida davlat va xalq oldidagi ulkan xizmatlari, ishlab chiqarish sohasidagi uzoq yillik fidokorona mehnati hamda yosh avlodni vatanparvarlik va xalqparvarlik ruhida tarbiyalashga qoʻshgan katta hissasi uchun – „Oʻzbekiston Qahramoni“ unvoni – „Oltin yulduz“ medali bilan bilan taqdirlangan^[3].