Saleh Abdulqayumov
| Shaxsiy maʼlumot | |||
|---|---|---|---|
| Tavallud sanasi | 13-aprel 1961-yil | ||
| Tavallud joyi |
Derjinsk,  Rossiya | ||
| Ampluasi | hujumchi | ||
Saleh Fatehovich Abdulqayumov (1961-yil 13-aprel, Gorkiy viloyatining Dzerjinsk shahrida tugʻilgan) – sobiq sovet va rossiyalik futbolchi, hujumchi ampulasida oʻynagan.
Biografiyasi
[tahrir | manbasini tahrirlash]13 yoshidan boshlab Saleh Djerjinskning „Ximik“ jamoasida futbol bilan shugʻullangan. 1979-yildan boshlab kattalar darajasida ikkinchi ligada Ximik safida oʻynay boshlagan, jamoa bilan toʻrt mavsum oʻtkazgan, ammo yuqori natijalar koʻrsata olmagan. Keyinchalik bir necha yil davomida Yakutiyadagi „Montajnik“ jamoasi bilan musobaqalarida ishtirok etgan.
1986-yildan boshlab qisqa muddat „Spartak“ (Tambov) safida oʻynagan, soʻngra „Uralan“da toʻp surgan, ikki mavsumda 33 ta gol urib, klub hujumining yetakchilaridan biriga aylangan. Oʻsha paytda „Uralan“ klubining bir mavsumda eng koʻp gol urish rekordini oʻrnatgan – 1988-yilda 20 ta (boshqa maʼlumotlarga koʻra 21 ta) gol[1].
1989-yilda birinchi marta oʻsha paytda „Torpedo“ deb nomlangan Ryazan klubiga safiga qoʻshilgan, keyingi toʻrt mavsumni ushbu jamoa tarkibida oʻtkazgan. Ushbu mavsumlarning uchtasini SSSR ikkinchi ligasida va bittasini Rossiya birinchi ligasida oʻtkazgan, har mavsumda 10 tadan ortiq gol urishga muvaffaq boʻlgan. 1991-yildagi oʻyinlarning birida 5 ta gol urdi[2].
1993-yilda „Obninsk“ jamoasida oʻynagan va 32 ta gol urib, Rossiya ikkinchi ligasining 4-zonasi („Moskva“ zonasi) mintaqaviy turnirining eng yaxshi toʻpurari boʻlgan. Keyin ikki mavsumni Kolomna „Avangard“ jamoasida oʻtkazgan va bir yil Mineralnie Vodi „Lokomotiv“ jamoasida oʻynagan, shuningdek, bir necha bor „Spartak“ deb qayta nomlangan Ryazan klubi tarkibiga qaytgan. 1994-yilgi mavsumda „Kolomna“ning (14 gol), 1996-yilgi (15 gol) va 1997-yilgi (11 gol) mavsumlarda „Spartak“ning eng yaxshi toʻpurari boʻlgan. Ryazan klubida oʻynovchi murabbiy vazifasini ham bajargan.
Faoliyatining oxirida Saxalin klublarida va Skopinning „Torpedo“sida havaskor sifatida oʻynagan.
SSSR va Rossiya chempionatlaridagi professional musobaqalarida jami 500 dan ortiq oʻyin oʻtkazib, 170 dan ortiq gol urgan, ularning aksariyati SSSR va Rossiyaning ikkinchi ligasida kiritilgan. Ryazanning „Torpedo“/"Spartak" klubida 7 mavsum oʻtkazib, 260 ta oʻyinda maydonga tushgan va 80 ta gol urishga muvaffaq boʻlgan.
2002-yil boshida „Ryazan-TNK“ ayollar klubi (keyinchalik – „Ryazan-VDV“) bosh murabbiyi etib tayinlangan, klub bilan oʻsha mavsumda Rossiya chempionatining bronza medallarini qoʻlga kiritgan va 2003-yilda klub toʻrtinchi oʻrinni egallagan[3]. 2004-yilda Noginskning „Nadejda“ jamoasini boshqargan va bu jamoa bilan ham toʻrtinchi oʻrinni egallagan. Keyinchalik Moskva viloyatining Fryanovo shahrida „Fakel“ dam olish markazining bolalar murabbiyi va rahbari boʻlib ishlagan[4].
Manbalar
[tahrir | manbasini tahrirlash]- ↑ „Представляем команды зоны ЮФО“ (ru). Сайт болельщиков футбольного клуба «Волгарь-Газпром». 2019-yil 10-avgustda asl nusxadan arxivlangan. Qaraldi: 2022-yil 21-sentyabr.
- ↑ „ФК Рязань — официальный сайт — История клуба“ (ru). 2023-yil 3-oktyabrda asl nusxadan arxivlangan. Qaraldi: 2024-yil 25-yanvar.
- ↑ „Салех Абдулкаюмов: «Хочу привить „Рязани-ТНК“ комбинационный стиль»“ (ru). 2021-yil 9-mayda asl nusxadan arxivlangan. Qaraldi: 2022-yil 21-sentyabr.
- ↑ „Люди района (спорт) / Абдулкаюмов Салех Фатехович“ (ru). 2021-yil 24-oktyabrda asl nusxadan arxivlangan. Qaraldi: 2022-yil 21-sentyabr.