Qora cherik

Vikipediya, ochiq ensiklopediya
Jump to navigation Jump to search

Qora cherik — Buxoro amirligida muntazam qoʻshin bilan baravar urush yoki tinchlik chogʻida xizmatda boʻlgan nomuntazam lashkar. Ehtiyoj boʻlmagan kezlarda Qora cherik uylariga tarqalib ketgan. Qora cherikni toʻplash uchun hukmdor (amir) farmoni chiqqan va u bozorlarda jarchilar tomonidan eʼlon qilingan. Har bir qishloq, shahar, viloyatdan yigʻiladigan Qora cherik miqdori ilgaridan aniq boʻlganligi bois, amir buyrugʻiga binoan nomuntazam lashkar yetkazib berishda muammolar tugʻilmagan. Muntazam qoʻshin otlar bilan taʼminlangan bir paytda, Qora cherik, shaxsiy ulovi bilan harbiy harakatlarda ishtirok etishi majburiy hisoblangan. Qalʼa, qoʻrgʻonlarni muhofaza qilishda muntazam xizmatdagi askarlar soni kamlik qilsa, Qora cherikdan foydalanilgan. Baʼzan yurishda qatnashayotgan qoʻshinning deyarli yarmini Qora cherik tashkil etgan.