Qazi

Vikipediya, ochiq ensiklopediya

Qazi — ot goʻshtidan tayyorlanadigan oziq-ovqat mahsuloti. Q.ni tayyorlash uchun otning toʻsh va peshnob yoki lahm qismi goʻshti va yogʻi eni 3—4 sm, uzunligi 10—15 sm qilib tilimlanadi. Tilimlar togʻoraga solinib tuz, murch va zira bilan yaxshilab aralashtiriladi (1 kg goʻshtga 0,5 kg ot yogʻi, 50 g tuz, 15 g murch, 25 g zira) va 4 soatdan 24 soatgacha salqin joyda saqlanadi. Ot (mol) ning 45—50 sm uzunliqdagi ichagi agʻdarilib, sovuq suvda yuviladi, shilimshiq moddasi tuz bilan ishqalab yokm 2% li sirkali suv bilan tozalanadi. Ichakning bir uchiga choʻp suqib (ichak sitplib chiqib ketmasligi uchun), orqasidan pishiq ip bilan mahkam bogʻlab, ikkinchi uchidan tayyor tilimlar bir goʻsht va bir yogʻ zich qilib tiqiladi. Ichak toʻlgach, ikkinchi tomoni ham choʻp suqib qattiq bogʻlanadi, ikkala uchini biriktirib, saqlash uchun osib qoʻyiladi. 2—3 kundan soʻng Q. tayyor boʻladi. Q.ni 10—12 sm qalinlikda un yoki kepakka koʻmib, 2 yilgacha saqlash mumkin. Q.ni pishirishda qozondagi sovuq suvga solinib 1,5—2 soat middiratib qaynatiladi. Q. qaynab chiqqandan soʻng , koʻpigi olinib, yorilib ketmasligi uchun bir necha joyiga nina uriladi. Dasturxonga parrakparrak qilib, noringa qoʻshib yoki yaxna tarzida murchli piyoz yoki salatlar bilan tortiladi. Q. Toshkentda koʻp tayyorlanadi. Q. moʻgʻullar, qozoqlar, qirgʻizlar, turkmanlarda ham mavjud.