Plazmidalar

Vikipediya, ochiq ensiklopediya
Jump to navigation Jump to search

Plazmidalar — hujayra xromosomalari tarkibiga kirmaydigan, sitoplazmada xromosomalar bilan bogʻlanmagan avtonom holatda mavjud boʻlgan doimiy genetik elementlar. "P." terminini J.Lederberger va boshqa (1952) taklif etgan. Xromosomalar bilan birika oladigan P. episomalar deyiladi. Bakteriya hujayralari P.i yaxshi oʻrganilgan. P. bakteriyalarida jinsiy belgini tashish (F — omil) va ularning antibiotiklarga chidamliligini belgilashda (R— omil) katta ahamiyatga ega. Bu omillarni oʻzida saqlovchi P. bir bakteriyadan ikkinchisiga oʻtib, ularning xususiyatlarini oʻzgartiradi. P. halqasimon DNK molekulasidan tashkil topgan boʻlib, tabiatda keng tarqalgan. P.dan genetik injeneriyada rekombinant DNK mo-lekulalarini boshqa hujayralarga ki-ritishda tashuvchi sifatida, bakteriyalarning antibiotiklarga chidamliligini bartaraf etish yoʻllarini ishlab chiqishda foydalaniladi.[1]

Manbalar[tahrir]

  1. OʻzME. Birinchi jild. Toshkent, 2000-yil