Paxtabank

"PAXTABANK" — Oʻzbekistondagi yi-rik aksiyadorlik-tijorat banki. 1995-yil 27-iyulda "Oʻzdehqonsanoatbank" negizida tashkil etilgan. Boshqaruvi Toshkent shahrida. Bank taʼsischilari: "Oʻzqishloq-xoʻjalikkimyo" davlat-aksiyadorlik kompaniyasi, "Oʻzagrosugʻurta" davlat-aksiyadorlik sugʻurta kompaniyasi. "P." keng tarmokli universal banklardan biri hisoblanib, 13 ta viloyat boshqarmasi, 183 ta tuman boʻlimlari va 162 ta mini-banklardan iborat. Bank respublika qishloq xoʻjaligi korxonalariga turli xizmatlar koʻrsatadi. Davlatning moliyaviy agenti si-fatida xoʻjaliklarda yetishtiriladigan paxta, gʻalla, sholi mahsulotlari uchun boʻnak mablagʻlari beradi, fermer xoʻjaliklarini kreditlar bilan taʼminlaydi. Shuningdek, bank qishloq xoʻjaligi korxonalarini texnika bilan taʼminlashni davlat tomo-nidan ragʻbatlantirish fondining moliyaviy agenti vazifasini bajaradi.

"P." "Paxta-invest" boshqaruvchi kompaniyasi va "Paxta-servis" depozitariysi shoʻba korxonalariga ega. Bank 1993-yildan buyen Turkiyaning "Ziroatbanki" bilan birga Oʻzbekistondagi birinchi Oʻzbekiston-Turkiya "OʻTbank"ning muassisi. "P." Osiyo-Tinch okeani qishloq xoʻjaligini kreditlash uyushmasi (APRAKA) hamda Xalqaro qishloq xoʻjaligi kre-diti konferensiyasi (KIKA)ning teng huquqli aʼzosi hisoblanadi.

Bank tomonidan berilgan jami kreditlar miqdori 91 mlrd. soʻmni tashkil etdi; 84 mingdan ziyod yuridik va 148 ming jismoniy shaxslarga xizmat koʻrsatadi (2003). Us t a v kapitali 12,5 mlrd. soʻm, jamlanma kapitali 35 mlrd. soʻm, valyuta balansi 197 mlrd. soʻm (2003-yil 1-yanvar).