Ozarbayjon Xalqaro banki
 | |
| Turi | biznes va korxona |
|---|---|
| Qachon asos solingan | 1992 |
Ozarbayjon Xalqaro banki (ozarbayjoncha: Azərbaycan Beynəlxalq Bankı) — Ozarbayjonning eng yirik banki, aksiyalari Ozarbayjon davlatiga tegishli boʻlgan ochiq aksiyadorlik jamiyati.
Tarixi[tahrir | manbasini tahrirlash]
Ozarbayjon Xalqaro Banki OAJ 1992-yil 10-yanvarda aksiyadorlik banki sifatida tashkil etilgan[1]. Bankning bosh ofisi Ozarbayjon poytaxti Boku shahrida joylashgan. Hozirda Ozarbayjon Xalqaro banki aktivlari, mijozlar bazasi va xalqaro operatsion portfeli boʻyicha Janubiy Kavkaz mintaqasidagi yetakchi banklardan biri hisoblanadi. Ozarbayjonning turli mintaqalarida 37 ta filiali va 39 ta kichik filiali boʻlgan bank xususiy va korporativ mijozlarga universal bank xizmatlarini koʻrsatmoqda. Bank tomonidan xizmat koʻrsatiladigan yuridik shaxslar soni qariyb 18,000 kishini, jismoniy shaxslar esa 1,3 milliondan ortiqni tashkil qiladi. Bankda 1,863 dan ortiq kishi ishlaydi.
Xizmat koʻrsatish tarmogʻi[tahrir | manbasini tahrirlash]
Ozarbayjon Xalqaro banki neft kimyosi, transport, aloqa, energetika va boshqa sohalardagi yirik davlat loyihalarida va turli xil ijtimoiy dasturlarda yaqindan ishtirok etadi. Shu bilan birga, u yirik, kichik va oʻrta biznesni moliyalashtirishni faol qoʻllab-quvvatlaydi.
2019-yilda Ozarbayjon Xalqaro Banki koʻp funksiyali Tamkart mahsulotini taqdim etdi. 2020-yilda Bank mijozlarga IBA Miles kartalarini taqdim etmoqda.
Faoliyat[tahrir | manbasini tahrirlash]
Oʻzaro sheriklik munosabatlari[tahrir | manbasini tahrirlash]
„VISA PayWave“, „Mastercard PayPass“, NFC va Payment Rings texnologiyalari Ozarbayjonda birinchi marta Ozarbayjon Xalqaro Banki tomonidan joriy etilgan.
VISA bilan hamkorlik doirasida „Zero Liability“ siyosatini qoʻllash ham Ozarbayjon Xalqaro Banki tomonidan amalga oshirilgan[2].
2002-yilda Bank Rossiya Federatsiyasida shoʻba korxonasini tashkil etdi. Rossiyaning shoʻba korxonasi hozirgi kunda Bank IBA Moskva nomi ostida faoliyat yuritmoqda.
2019-yilda Bank oʻzining mintaqaviy hamkori Italiyaning „Yuventus“ futbol klubi bilan hamkorlikda MasterCard Platinum debet kartalarini bozorda brend sifatida taqdim etdi.
Mukofotlari[tahrir | manbasini tahrirlash]
2019-yilda Ozarbayjon Xalqaro Banki taniqli Euromoney jurnali tomonidan mamlakatning yilning eng yaxshi banki deb topildi. 2020-yilda Bank Global Finance tomonidan „Mamlakatning eng yaxshi banki“ deb topildi.
Loyihalar[tahrir | manbasini tahrirlash]
Ozarbayjonda innovatsiyalarni rivojlantirishni qoʻllab-quvvatlash uchun koʻplab ijtimoiy loyihalarni amalga oshirib, Bank 2019-yilda IBA Tech Academy tashkil etdi va 2020-yilda birinchi mintaqaviy xakatonni oʻtkazdi.
Manbalar[tahrir | manbasini tahrirlash]
- ↑ „Международный Банк Азербайджана, г. Баку (МБА) является крупнейшим финансовым институтом Закавказья“. www.ibam.ru. 21-iyun 2020-yilda asl nusxadan arxivlangan. Qaraldi: 19-iyun 2020-yil. (Wayback Machine saytida 21-iyun 2020-yil sanasida arxivlangan)
- ↑ “About Bank” (Wayback Machine saytida 22-yanvar 2013-yil sanasida arxivlangan), International Bank of Azerbaijan website