Obidjon Hamidov

Obidjon Xafizovich Xamidov
Tavalludi	2-dekabr 1975-yil (1975-12-02) Buxoro viloyati, O'zbekiston
Fuqaroligi	Oʻzbekiston
Kasbi	iqtisodchi olim
Sohasi	iqtisodiyot
Taʼlimi	Toshkent davlat iqtisodiyot universiteti Dokuz Eylül universiteti
Ilmiy darajasi	iqtisodiyot fanlari doktori (DSc)
Ilmiy unvoni	professor
Veb-sayt	www.buxdu.uz

Obidjon Xafizovich Xamidov (1975-yil 2-dekabr, Buxoro viloyati, O'zbekiston Respublikasi) — oʻzbekistonlik iqtisodchi olim, iqtisodiyot fanlari doktori (2017), professor (2020).

Biografiyasi

Xamidov Obidjon Xafizovich 1975-yilning 2-dekabrida Buxoro viloyatida ziyolilar oilasida tug‘ilgan. 1992-1998 yillarda Toshkent davlat iqtisodiyot universiteti talabasi bo‘lgan. 1992-1996 yillarda Turkiyaning Dokuz Exlul universitetida tahsil olgan.

Mehnat faoliyatini 1998-yilda “Interkontinental” mehmonxonasi hisobchisi sifatida boshlagan. 2000-2001-yillarda Toshkent davlat iqtisodiyot universiteti maxsus turistik firmasi direktori, 2001-2003-yillarda Toshkent davlat iqtisodiyot universiteti turizm servisi kafedrasi assistenti, 2003-2004 yillarda “Soj-Invest” sanoat-moliya kompaniyasining bosh vakili, 2004-2019 yillarda Toshkent davlat iqtisodiyot universitetida assistent, katta o‘qituvchi, dotsent, kafedra mudiri, moliyaviy-iqtisodiy ishlar bo‘yicha prorektor, xalqaro aloqalar bo‘yicha prorektor lavozimlarida ishlagan. 2014-yil 18-oktyabrdan – 20 noyabrgacha Gretsiyaning texnologik ta’lim institutida, 2015-yil 27-iyuldan – 10 avgustgacha Germaniyaning Bremerxafen universitetida malaka oshirgan. 2019-yildan hozirgi kunga qadar Buxoro davlat universiteti rektori lavozimida ishlab kelmoqda.

2006-yilda Samarqand iqtisodiyot va servis instituti huzuridagi Ilmiy Kengashda “O‘zbekiston turizm xizmatlari bozorida raqobatbardosh strategiyalarni tanlash” mavzusida fan nomzodi dissertatsiyasini rus tilida himoya qilgan va 2006 - yil 29 - iyunda O‘zbekiston Respublikasi Oliy attestatsiya komissiyasining qaroriga asosan (126/1-son bayonnoma) iqtisodiyot fanlari nomzodi ilmiy darajasini olgan.

Toshkent davlat iqtisodiyot universitetida ta’lim sifatini oshirishga qo‘shgan hissasi uchun 2009-yilda servis kafedrasi bo‘yicha OAK tomonidan dotsent ilmiy unvoni berilgan.

2017-yilda Samarqand iqtisodiyot va servis instituti huzuridagi Ilmiy Kengashda “O‘zbekistonda ekologik turizmni rivojlantirishning boshqarish mexanizmini takomillashtirish” mavzuida fan doktori (DSc) dissertatsiyasini himoya qilgan va 2017-yil 29-noyabrda O‘zbekiston Respublikasi Oliy attestatsiya komissiyasining qaroriga asosan (245/1-son bayonnoma) iqtisodiyot fanlari doktori (DSc) ilmiy darajasiga erishgan, ilmiy faoliyatini muttasil davom ettirib 2020-yilda professor ilmiy unvonini olgan.

Buxoro davlat universitetidagi o‘quv, tarbiyaviy, ilmiy-tadqiqot jarayonini rivojlantirish, mehnat va ijro intizomini ta’minlash, umumiy o‘rta ta’lim, o‘rta maxsus va oliy ta’lim muassasalariga o‘quv-metodik yordam ko‘rsatish, o‘qitish tizimida yangi pedagogik texnologiyalarni joriy qilish, o‘quv jarayonini avtomatlashtirish, internet tarmog‘ida universitet, fakultet, kafedralar veb-saytlarini tashkil qilish, lokal tarmoqda reyting bo‘yicha nazorat tizimini yaratish, raqamli iqtisodiyotni rivojlantirish, kredit tizimiga o‘tish, yangi yo‘nalish va mutaxassisliklar ochish, yangi fakultet va pedagogika institutini tashkil qilishda shaxsiy tashabbuskorlik ko‘rsatgan.

O.X.Xamidovning BuxDUdagi rektorlik faoliyati (2019-2022 yy.) davrida universitetda davlat grantlari va xo‘jalik shartnomalari salmog‘i bir necha baravar, nomzodlik va doktorlik dissertatsiyalari himoyasi esa uch baravarga ko‘paydi, shuningdek, 2019-yilda 3 ta Navoiy, 1 ta Ulug‘bek, 1 ta I.Karimov nomidagi, 1 ta O‘zbekiston Respublikasi Prezidenti davlat stipendiyasi, 2020-yilda 5 ta Navoiy, 1 ta Islom Karimov, 1 ta Ulug‘bek nomidagi stipendiya, 2021-yilda 1 ta I.Karimov stipendiyasi, 2 ta Ulug‘bek stipendiyasi, 6 ta Navoiy stipendiyasi, 2022-yilda 1 ta I.Karimov stipendiyasi, 2 ta Ulug‘bek stipendiyasi, 6 ta Navoiy stipendiyasi, 2 ta O‘zbekiston Respublikasi Prezidenti davlat stipendiyasi sovrindorlari tayyorlandi, 2021 yilda san’atshunoslik fakulteti musiqa ta’limi yo‘nalishi talabasi Umarqulova Dinora Zulfiya nomidagi Davlat mukofoti sohibasi bo‘ldi. Shuningdek, 40 ga yaqin talabalar fan olimpiadalarning Respublika bosqichida g‘olib bo‘lishdi.

O.X.Xamidovning rahbarligi va tashabbuskorligida Buxoro davlat universitetda O‘zbekiston Respublikasi Vazirlar Mahkamasi huzuridagi Oliy attestatsiya komissiyasi raisining qarorlari asosida 10.00.01 – “O‘zbek tili”, 10.00.02 – “O‘zbek adabiyoti”, 10.00.08 – “Folklorshunoslik”, 10.00.04 – “Yevropa, Amerika va Avstraliya tili va adabiyoti”, 10.00.06 – “Qiyosiy adabiyotshunoslik, chog‘ishtirma tilshunoslik va tarjimashunoslik”, 09.00.03 – “Falsafa tarixi”, 09.00.04 – “Ijtimoiy falsafa”, 07.00.01 – “O‘zbekiston tarixi”, 19.00.05 – “Ijtimoiy psixologiya. Etnopsixologiya”, 19.00.06 – “Yosh va pedagogik psixologiya. Rivojlanish psixologiyasi”, 13.00.01 – “Pedagogika nazariyasi. Pedagogik ta’limotlar tarixi”, 13.00.02 – “Ta’lim va tarbiya nazariyasi va metodikasi”, 02.00.01 – “Noorganik kimyo”, 03.00.07 – “O‘simliklar fiziologiyasi va biokimyosi”, 03.00.12 – “Biotexnologiya”  kabi 15 ta ixtisoslikdagi 8 ta ilmiy kengash o‘z faoliyatini davom ettirmoqda.

O.X.Xamidovning rahbarligi va tashabbuskorligida universitetda xorijning yetakchi 5 ta OTM bilan hamkorlikda 4 ta bakalavriat yo‘nalishi hamda 8 ta magistratura mutaxassisligida qo‘shma dasturlar ochildi. Shu jumladan, Fransiyaning VATEL mehmonxona va turizm biznes-maktabi bilan “Xalqaro mehmonxona menejmenti”, Isroilning Xolon texnologiya instituti bilan “Amaliy matematika va informatika” hamda “Informatika va axborot texnologiyalari”, Rossiya Federatsiyasining Qozon Federal universiteti bilan “Iqtisodiyot” bakalavriat ta’lim yo‘nalishlarida, Moskva davlat universiteti bilan “Psixologiya” hamda “Amaliy matematika va informatika”, Indoneziyaning Gunadarma universiteti bilan “Turizm (raqamli turizm)”, shuningdek, Bolgariyaning Sofiya universitetining “Xorijiy til va adabiyoti (ingliz)” magistratura mutaxassisliklari bo‘yicha 200 nafardan ortiq talabalar ta’lim olmoqda.

O‘zbekiston Respublikasi Vazirlar Mahkamasi huzuridagi Oliy attestatsiya komissiyasi raisining 2017-yil 28-dekabrdagi №195-sonli qaroriga asosan Toshkent davlat iqtisodiyot universiteti huzuridagi ilmiy darajalar beruvchi DSc.28.12.2017.L16.02 raqamli ilmiy kengash qoshidagi ilmiy seminar a’zosi sifatida faoliyat olib bormoqda.

O‘zbekiston Respublikasi Vazirlar Mahkamasi huzuridagi Oliy attestatsiya komissiyasi raisining 2019 yil 30 dekabrdagi №364-sonli qaroriga asosan Buxoro davlat universiteti huzuridagi ilmiy darajalar beruvchi PhD.03/30.12.2019.I.72.05 raqamli ilmiy kengash raisi sifatida faoliyat yuritayabdi.

O.X.Xamidov Hindistonda nashr etiladigan “Journal of Management Value & Ethics” xalqaro jurnalining tahrir hay’ati a’zosi, “Buxoro davlat universiteti ilmiy axboroti” ilmiy jurnalining tahrir hay’ati raisi, shuningdek, “Psixologiya” va “Pedagogik mahorat” ilmiy, ilmiy-usuliy va metodik jurnallarining tahrir hay’ati a’zosi sifatida faoliyat olib bormoqda.

2010-2017 yillarda Davlat ilmiy-texnik dasturlari doirasida bajarilayotgan fundamental va ilmiy-amaliy loyihalarda ishtirok etgan. Jumladan, 2010-2011 yillarga mo‘ljallangan YoF-7-01 sonli “Oliy ta’lim muassasalari va ishlab chiqarish o‘rtasida ekoturizm bo‘yicha samarali hamkorlik qilish metodikasini ishlab chiqish” mavzuidagi 12,8 mln. so‘mlik yoshlar fundamental loyihasi rahbari; 2012-2014 yillarga mo‘ljallangan ITD-2-17 sonli “O‘zbekistonda ichki turizmning rivojlanish istiqbollari va imkoniyatlarining iqtisodiy tahlili” mavzusidagi 110 mln. so‘mlik amaliy loyiha rahbari; 2014-2015 yillarga mo‘ljallangan IOT-2014-1-11 sonli “Turistik va mehmonxona xizmatlari milliy tizimiga xalqaro ISO standartlarini joriy etish” mavzusidagi 101,5 mln. so‘mlik innovatsion loyiha rahbari; 2015-2017 yillarga mo‘ljallangan F-2-39-sonli “O‘zbekiston turizm sohasida oziq-ovqat xavfsizligiga ta’sir qiluvchi omillarni o‘rganish” mavzusidagi 105 mln. so‘mlik amaliy loyiha rahbari sifatida ishlagan.

Xalq deputatlari Buxoro viloyati kengashi deputati O.X.Xamidov Tadbirkorlar va ishbilarmonlar harakati – O‘zbekiston Liberal-demokratik partiyasi a’zosi sifatida siyosiy jarayonlar va bu boradagi islohotlarning jonkuyar targ‘ibotchisi hamdir.

Ayni paytda Xamidov Obidjon Xafizovich ‒ xalq deputatlari viloyat Kengashining sud-huquq masalalari va korrupsiyaga qarshi kurashish bo‘yicha doimiy komissiyasi raisi; Fuqarolar yig‘inlari raislari (oqsoqollari) saylovini tashkil etish va uni o‘tkazishga ko‘maklashuvchi viloyat komissiyasi raisi, shuningdek, chet ellik mehmonlarni kutib olish bo‘yicha viloyat guruhi raisi; UI GreenMetric World University Ranking tashkilotining O‘zbekistondagi universitetlar bo‘yicha Milliy koordinatori sifatida ham faoliyat yuritmoqda.

Ilmiy faoliyati

Salohiyatli olimning iqtisodiyot va turizm, menejment, marketing kabi sohalarning dolzarb muammolari bo‘yicha salmoqli izlanishlari mavjud. U hozirgacha 6 ta monografiya, vazirlik grifi bilan 5 ta darslik va 3 ta o‘quv qo‘llanma, 3 ta o‘quv-uslubiy qo‘llanma, 80 dan ortiq ilmiy, jumladan, nufuzli xorijiy yoki xalqaro ilmiy jurnallarda 26 ta maqolalar e’lon qilgan. Olimning “Ta’lim tizimida raqobatbardosh kadrlarni tayyorlashning boshqaruvini takomillashtirish”, “O‘zbekistonning ekoturistik salohiyati”, “O‘zbekistonda ichki turizm marketingi” (rus tilida), “Mehmonxona xizmatlarini sertifikatlashtirish” (rus tilida), “O‘zbekistonda ekologik turizmni rivojlantirishni boshqarishni takomillashtirish: muammo va yechimlar” kabi monografiyalari;  “Menejment” darsligi; “Menejment” o‘quv qo‘llanmasi; “Iqtisodiy xavfsizlik” (rus tilida), “Buxgalteriya hisobi”, “Menejment” kabi o‘quv-usuliy qo‘llanmalari soha mutaxassislari uchun muhim qo‘llanma bo‘lib kelmoqda..