Oʻzbekiston Respublikasi Huquqni muhofaza qilish akademiyasi

Oʻzbekiston Respublikasi Huquqni muhofaza qilish akademiyasi
Oʻzbekiston Respublikasi Huquqni muhofaza qilish akademiyasi
	; Akademiya logotipi (2022)
	; Akademiya binosi (2022)
Xalqaro nomi	Law Enforcement Academy of the Republic of Uzbekistan
Asos solingan	2022-yil
Direktori	Kolenko Yevgeniy Vyacheslavovich
Talabalari	300 ta
Bakalavriat	250 ta
Magistratura	50 ta
Doktorantura	133 ta
Manzili	100047, Toshkent shahri, Mirobod tumani, Shahrisabz ko'chasi, 42
Vebsayti	proacademy.uz
Koordinatalari	41.305781°0′0″N 69.283745°0′0″E / 41.30578°N 69.28374°E G OKoordinatalari: 41.305781°0′0″N 69.283745°0′0″E / 41.30578°N 69.28374°E G O

Oʻzbekiston Respublikasi Huquqni muhofaza qilish akademiyasi (inglizcha: Law Enforcement Academy of the Republic of Uzbekistan, ruscha: Правоохранительная академия Республики Узбекистан^[5]) Akademiya Bosh prokuratura tashkiliy tuzilmasiga^[6] kiruvchi, yuridik shaxs maqomiga ega, ixtisoslashtirilgan oliy taʼlim va ilmiy-tadqiqot muassasasi^[7].

Akademiyaga Oʻzbekiston Respublikasi Prezidenti tomonidan lavozimga tayinlanadigan va lavozimidan ozod qilinadigan boshliq rahbarlik qiladi^[8].

Akademiyada 2023/2024-oʻquv yilidan boshlab quyidagi tartibni nazarda tutgan holda tergov faoliyati va huquqni muhofaza qilish faoliyatining boshqa sohalarida oliy taʼlimning ikki bosqichli tizimi – bakalavriat va magistratura boʻyicha toʻlaqonli oʻquv jarayoni tashkil etildi^[9].

Akademiya tarixi[tahrir | manbasini tahrirlash]

Oʻzbekiston Respublikasi Prezidentining 2007-yilning 7-noyabridagi PQ–727-son qaroriga koʻra, Oʻzbekiston Respublikasi Bosh prokuraturasining Qonunchilikni mustahkamlash muammolari va prokuror-tergov xodimlari malakasini oshirish markazi tugatildi va uning negizida O‘zbekiston Respublikasi Bosh prokuraturasining Oliy o‘quv kurslari tashkil etildi^[10]^[11].

2017—2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasida belgilangan vazifalarga muvofiq, shuningdek, prokuratura organlari kadrlarini tayyorlash, qayta tayyorlash va ularning malakasini oshirishning zamonaviy tizimini yaratish maqsadida, Oʻzbekiston Respublikasi Prezidenti tomonidan „Prokuratura organlari kadrlarini tayyorlash, qayta tayyorlash va ularning malakasini oshirish tizimini tubdan takomillashtirish chora tadbirlari toʻgʻrisida“gi 2018-yil 8-maydagi PF–5438-son Farmoni qabul qilindi^[12]. Farmonga asosan, Oʻzbekiston Respublikasi Bosh prokuraturasining Oliy oʻquv kurslari Oʻzbekiston Respublikasi Bosh prokuraturasi Akademiyasi etib qayta tashkil etildi^[13].

Oʻzbekiston Respublikasi Prezidentining 2022-yil 28-noyabrdagi „Jinoyatlarni tergov qilish sohasida malakali kadrlarni tayyorlashning sifat jihatidan yangi tizimini joriy etish toʻgʻrisida“gi PF–257-sonli Farmoniga asosan Bosh prokuratura Akademiyasi negizida O‘zbekiston Respublikasi Huquqni muhofaza qilish akademiyasi tashkil etildi^[14].

Xronologiya[tahrir | manbasini tahrirlash]

1992—2007-yillarda – Oʻzbekiston Respublikasi Bosh prokuraturasining Qonunchilikni mustahkamlash muammolari va prokuror-tergov xodimlari malakasini oshirish markazi.
2007—2018-yillarda – Oʻzbekiston Respublikasi Bosh prokuraturasining Oliy oʻquv kurslari.
2018—2022-yillarda – Oʻzbekiston Respublikasi Bosh prokuraturasi akademiyasi.
2022-yildan – Oʻzbekiston Respublikasi Huquqni muhofaza qilish akademiyasi.