Novvot

Vikipediya, ochiq ensiklopediya
Jump to navigation Jump to search

Novvot — shakar qiyomidan tayyorlanadigan yaltiroq, qattiq, rangsiz yoki sargʻish tusli shirinlik. Yirik qand kristallaridan iborat. Yaqin va Oʻrta Sharq mamlakatlarida keng tarqalgan. Tarkibida 99,75% saharoza (shakar moddasi) bor. Namligi 1% dan oshmaydi.

N. olish texnologiyasi: qozonga 2 ulush shakar va 1 ulush suv (Mas, 10 kg shakarga 5 l suv) solib, miltillatib qaynatish yoʻli bilan sharbat hosil qilinadi. Sharbatni yaxshilab aralashtirib, koʻpik hosil boʻlguncha qaynatiladi, koʻpikni olib tashlab, qaynatish toʻxtatiladi. Sharbatga tuxum (80— 100 kg shakarga 1 l suvga chaqilgan 1 tuxum) qoʻshiladi. Sharbatni yana kaynatib, koʻpigi olib turiladi. Soʻngra maxsus qozonga 3—4 qator oq ip pa-rallel tortiladi. Iplarning uchini birlashtirib, yelim bilan yopishtirib qoʻyiladi. Boshqa qozonda qaynab turgan sharbat ip tortilgan qozonga quyiladi, 1 soatcha turgandan keyin sharbat sirtida parda hosil boʻladi. Qozonni maxsus qopqoq bilan yopib, uch sut-ka shu qolicha qoldiriladi. Bu davrda iplar atrofida kristallar hosil boʻlib, oʻsa boshlaydi. Uch sutkadan keyin qopqoqni ochib, qozonda qolgan sharbat boshqa idishga quyib olinadi. Undan qandolat mahsulotlari tayyorlashda foydalaniladi. Qozon tagiga yopishib qolgan N. ham isteʼmol qilinadi. Kristallar yopishgan iplarni qozondan olib, stolda quritiladi. N. shu ipi bilan sotishga chiqariladi. Bu N. duri deyiladi (65% cha dur chiqadi). N.ni kundalik shirinlik sifatida isteʼmol qilish mumkin.[1][2]

Manbalar[tahrir]

  1. Rustamov A., Vostochnie sladosti i drugiye saharistie konditerskiye izdeliya, T., 1965.
  2. OʻzME. Birinchi jild. Toshkent, 2000-yil