Nina Varlamova
| Nina Varlamova | |
|---|---|
| Tavalludi |
1954-yil 11-fevral |
| Vafoti | 2008-yil 17-dekabr |
| Fuqaroligi | Rossiya |
Nina Varlamova (1954-yil 11-fevral — 2008-yil 17-dekabr) — rus siyosatchisi. 1954-yil 11-fevralda Rossiydagi Gorkiy viloyatining Chkalovsk shahrida (ammo keyinchalik ommaviy axborot vositalari Nijniy Novgorodni uning tugʻilgan joyi deb ham atashgan) tugʻilgan[1]. Nina Varlamova Rossiya Federatsiyasining Murmansk viloyati shimolidagi Kandalaksha shahri meri boʻlib ishlagan[2]. Varlamova 2007-yilda Kandalaksha merligiga saylangan[2]. Oʻsha yili Varlamova Kandalaksha munitsipal okrugi boshligʻi saylovida oʻz nomzodini ilgari surgan. Viloyat matbuotining taʼkidlashicha, Varlamova targʻibotchilar orasida yagona ayol boʻlishiga qaramay, u „darhol oʻzini eng kuchli nomzod sifatida koʻrsatgan“. Boshqa nomzodlardan farqli oʻlaroq, ommaviy axborot vositalari Varlamovaning saylovoldi tashviqotini oʻtkazishdagi odobliligi taʼkidlaganlar. 2007-yil dekabr oyida saylovning ikkinchi bosqichida Varlamova gʻalaba qozonib, munitsipalitetning toʻliq rahbari boʻldi
Varlamova 2008-yilning 17-dekabr kuni ruhiy holati beqaror nomaʼlum shaxs tomonidan oʻldirilgan. Nina Varlamova 54 yoshda boʻlgan[2] Maʼlumotlarga koʻra, erkak Varlamovani oʻldirish kunigacha bir necha bor tahdid qilgan, lekin Nina hech qachon uning tahdidlarini jiddiy qabul qilmagan va eʼtiborsiz qoldirgan[2]. Varlamova 2008-yilning 17-dekabrida soat kechki 21:00 atrofida boʻyniga pichoq bilan urilib koʻchada yotgan holda topilgan. Varlamovaga pichoq urilgandan keyin tirik boʻlgan, yotib qolishidan oldin hujum sodir boʻlgan joydan 15 metr uzoqqa sudralishga muvaffaq boʻlgan[2].
Gumonlanuvchi oʻsha paytda 51 yoshda boʻlgan Dmitriy Kireyev ekanligi aniqlangan[2]. Munitsipal kengashning sobiq aʼzosi va mahalliy gazetaning sobiq muharriri boʻlgan Dmitriy Kireyev soʻnggi yillarda ishsiz edi[2]. Kandalaksha politsiyasi boshligʻi Anatoliy Prokopenko Varlamovaga boʻlgan hujumni „oʻz-oʻzidan qotillik jinoyati“ deb atadi[2].
2009-yil iyun oyida psixiatrik tekshiruv Kireevning paranoid shaxsiyat rivojlanishi shaklida aqldan ozganligini aniqladi. 2009-yil 1-sentyabrda sud uni Varlamovani oʻldirishda aybdor deb topgani, ammo uni jinoiy javobgarlikdan ozod qilgani, aksincha, majburiy davolanishga joʻnatilgani maʼlum boʻldi.
Maʼmuriyat vakillarining soʻzlariga koʻra, Varlamovni Nijniy Novgorodda dafn etishga qaror qilingan. U Kandalaksha shahrida oʻzi bilan birga yashagan turmush oʻrtogʻi va 1985-yilda tugʻilgan oʻgʻlini qoldirgan.
Varlamova 30 kun ichida oʻldirilgan uchinchi Rossiya meri boʻldi[2]. Ungacha Ingushetiyaning Nazran tumani hokimi Magomed Baraxoyev 2008-yil 17-noyabrda otib oʻldirilgan, Vladikavkaz meri Vitaliy Karayev ham 2008-yil 26-noyabrdagi otishmada halok boʻlgan edi[2].
Manbalar[tahrir | manbasini tahrirlash]
- ↑ „Varlamova, Nina Konstantinovna“. Yandex. Qaraldi: 2009-yil 21-may.
- ↑ 2,00 2,01 2,02 2,03 2,04 2,05 2,06 2,07 2,08 2,09 Malpas, Anna. „Mayor Stabbed To Death“. The Moscow Times (2008-yil 18-dekabr). 2012-yil 9-mayda asl nusxadan arxivlangan. Qaraldi: 2009-yil 12-yanvar.