Naimjon Yoqubzoda

Naimjon Yoqubzoda
Tavalludi	1890-yil Buxoro amirligi
Vafoti	1937-yil Toshkent
Fuqaroligi	Buxoro amirligi → SSSR
Otasi	Mahmud Yoqub Muxlis
Qarindoshlari	Akasi – Hoshim Shoyiq

Naimjon Yoqubzoda (1890-yil; Buxoro amirligi — 1937-yil; Toshkent) — davlat va siyosat arbobi. Jadidchilik harakatining faol aʼzosi. Qatagʻon qurbonlaridan biri.

Hayoti

Naimjon Yoqubzoda 1890-yil Buxoro amirligi poytaxti Buxoro shahrida Mahmud Yoqub Muxlis xonadonida tugʻilgan. Akasi — Hoshim Shoyiq. Eski maktabdan soʻng madrasada taʼlim olgan.

Buxoro Xalq Sovet Respublikasida Buxoro Kompartiyasi Markaziy Komitetida kotib, Tashqi ishlar nozirining muovini boʻlib ishlagan. Maʼlum muddat siyosiy faoliyatini toʻxtatgach, 1937-yil boshidan Oʻzbekiston SSR Sovxozlar xalq komissarligida masʼul lavozimda ish yuritgan.

1937-yil oktyabrda Toshkent shahrida otib tashlangan.