Mixail Kolesnikov
| Mixail Kolesnikov | |
|---|---|
 | |
| Tavalludi |
1951-yil 22-sentyabr Angren, Toshkent viloyati, Oʻz SSR, SSSR |
| Fuqaroligi |
 SSSR  Rossiya |
| Xizmatdagi yillari | 1969–2007 |
| Unvoni | General-mayor |
Mixail Ivanovich Kolesnikov (1951-yil 22-sentyabr, Angren, Toshkent viloyati, Oʻzbekiston SSR, SSSR) – sovet va rus harbiy rahbari boʻlgan. Rossiya Federatsiyasi Fuqarolik mudofaasi, Favqulodda vaziyatlar va Xabarovsk oʻlkasidagi tabiiy ofatlarni bartaraf etish Bosh boshqarmasi boshligʻi boʻlgan. General-mayor.
Biografiyasi[tahrir | manbasini tahrirlash]
Mixail Kolesnikov 1951-yil 22-sentyabrda Oʻzbekiston SSR Toshkent viloyati Angren shahrida tavallud topgan. 1973-yil Toshkent oliy tank qoʻmondonlik bilim yurtida tahsil olgan.
Harbiy xizmati[tahrir | manbasini tahrirlash]
Mixail Ivanovich 1969-yilda Ribalko nomidagi Toshkent oliy tank qoʻmondonlik zirhli kuchlar marshali bilim yurtiga oʻqishga kirgan va 1973-yilda uni tamomlagan.
1969–1973-yillarda Toshkent oliy tank qoʻmondonlik bilim yurti kursanti boʻlgan (Turkiston harbiy okrugi).
1973–1976-yillarda motorli miltiq diviziyasi tank vzvodida komandir lavozimida xizmat qilgan (Germaniyadagi Sovet qoʻshinlari guruhi).
1978–1979-yillar Toshkent oliy qoʻshma qurollar qoʻmondonlik bilim yurti (Turkiston harbiy okrugi) taʼminot batalonining rota komandiri vazifasida xizmat qilgan.
Yuqori lavozimlari[tahrir | manbasini tahrirlash]
Ivanovich 1999–2005-yillar oraligʻida Xabarovsk oʻlkasining fuqarolik mudofaasi va favqulodda vaziyatlar bosh boshqarmasi boshligʻi boʻlib ishlagan[1].
Mixail Ivanovich Kolesnikov Rossiya Favqulodda vaziyatlar vazirligining № 49 buyrugʻi bilan 2005-yil 9-fevraldan 2007-yil 10-aprelgacha Favqulodda vaziyatlar vazirligining Xabarovsk oʻlkasi bosh boshqarmasining birinchi boshligʻi etib tayinlangan[2].
2005–2007-yillarda Rossiya Federatsiyasi Fuqarolik mudofaasi, Favqulodda vaziyatlar va Xabarovsk oʻlkasidagi tabiiy ofatlarni bartaraf etish boʻyicha bosh boshqarma boshligʻi lavozimida faoliyat olib borgan[3].
Nafaqada[tahrir | manbasini tahrirlash]
General-mayor Kolesnikov 2007–2013-yillarda Federal Logistika Markazi Sochi filiali direktori boʻlib ishlagan.
2013-yildan Rossiya Federatsiyasi Mudofaa vazirligining Janubiy harbiy okrugi qoʻshma strategik qoʻmondonligi inspektorlar guruhi inspektori boʻlgan. Kolesnikov inspektor sifatida harbiy xizmatchilarni davlat-vatanparvarlik va yoshlarni harbiy-vatanparvarlik ruhida tarbiyalash ishlarida faol ishtirok etgan.
Oilasi[tahrir | manbasini tahrirlash]
Mixail Lyubov Borisovna Kolesnikova bilan turmush qurgan. Farzandi Mixail Mixaylovich Kolesnikov.
Manbalar[tahrir | manbasini tahrirlash]
- ↑ Prikaz MChS Rossii ot 14.12.1999 g. № 314-VK
- ↑ Voennie inspektori YuVO proveli zanyatiya po obщestvenno-gosudarstvennoy podgotovke s rossiyskimi voennoslujaщimi v Abxazii 2017.
- ↑ Prikaz MChS Rossii ot 9 fevralya 2005 g. № 49
- Chirchiq oliy tank komandir-muhandislik bilim yurti bitiruvchilari
- Sovet Ittifoqi Kommunistik Partiyasi aʼzolari
- SSSR Qurolli Kuchlarining 70 yilligi yubiley medali sohiblari
- Hurmat ordeni sohiblari (Rossiya)
- General-mayorlar (SSSR)
- Angrenda tugʻilganlar
- Yashayotgan insonlar
- 1951-yilda tugʻilganlar
- 22-sentyabrda tugʻilganlar