Mixail Dovidov

Vikipediya, ochiq ensiklopediya
Jump to navigation Jump to search

Mixail Dovidovich Dovidov [1913.12(25).5, Andijon - 1981.16.6, Toshkent] — opera xonandasi (lirik tenor), aktyor va pedagog . Oʻzbekistan xalq artisti (1978). Moskvadagi Oʻzbek opera studiyasini tugatgan (1939). 1933 y.dan Oʻzbek davlat musiqali teatrida artist, 1939 y.dan Navoiy nomidagi opera va balet teatri yakkaxoni. Mayin va shirali ovoz sohibi D.ning ijro uslubi yevropa va milliy xonandalik anʼanalarining mutanosibligi bilan ajralib turadi. Oʻzbek operalaridan Naziriy (S. Boboyev, "Hamza"), Olimjon (T. Sodiqov, D. Zokirov va b., "Zaynab va Omon") va ayniqsa Hidoyat (S. Yudakov, "Maysaraning ishi"), shuningdek, Lenskiy (P. Chaykovskiy, "Yevgeniy Onegin"), Shuyskiy (M. Musorgskiy, "Boris Godunov"), Almaviva (J. Rossini, "Sevilya sartaroshi") kabi partiyalarni mahorat bilan ijro etgan. Konsert repertuaridan oʻzbek, tojik, tatar va ozarbayjon xalq koʻshiqlari oʻrin olgan. 1966 y.dan Toshkent teatr va rassomlik sanʼati institutida dars bergan.

Adabiyot[tahrir]

  • OʻzME. Birinchi jild. Toshkent, 2000-yil