Messina

Vikipediya, ochiq ensiklopediya

Messina — Italiyadagi shahar va port. Sitsiliya o.ning shim.-sharqiy sohilida. Messina provinsiyasining maʼmuriy markazi. Aholisi 236,6 ming kishi (2001). M. iqtisodiy ahamiyati boʻyicha orolda 2-oʻrindagi shahar. Transport yoʻli paromi orqali Apennin ya.o. sohilidagi shaharlar bilan bogʻlangan. Kimyo, oziqovqat, kemasozlik va kema taʼmirlash korxonalari mavjud. Un-t (1548), dengiz biologiyasi instituti, botanika bogʻi, muzey bor. M.da tez-tez zilzila boʻlib turadi, eng kuchlisi 1908 yilda boʻlgan. Harbiy dengiz bazasi. Meʼmoriy yodgorliklardan 12—16-asrlarda qurilgan cher-kov, sobor, favvoralar saqlangan. Shaharga miloddan avvalgi 730 yilda asos solingan. Miloddan avvalgi 493 yilgacha Zankla, oʻsha yildan M. deb atalgan.[1]

Manbalar[tahrir]

  1. OʻzME. Birinchi jild. Toshkent, 2000-yil