Xayrulla Lutfullayev

Lutfullayev Xayrulla (1945.25.10, Toshkent) — xonanda va sozanda (qashqar rubobi, tor), Oʻzbekiston (1987) va Qoraqalpogʻiston (1993) xalq artisti . Toshkent konservatoriyasini tugatgan (1974). "Bahor" ansambli yakkaxon xonandasi (1974—2003), Toshkent madaniyat inti dotsenti (2003 y.dan). L. lirik xonanda, mayin va shirali ovoz sohibi. Repertuaridan qoʻshiq va yallalar ("Men sevaman, sen sevasanmu", "Dilxiroj", "Tola soch" va b.), oʻzbek ashula va maqom yoʻllari ("Bayot I—V", "Girya I—II", "Fargʻona tanavori" va b.), oʻzbek bastakorlari asarlari ("Beboqcha", "Samarqand ushshogʻi" va b.) oʻrin olgan. "Kelibdiyu-ketibdi", "Ishonaman oʻzingga", "Goʻzal jonon senmasmu" kabi qoʻshiqlarning kuylarini oʻzi bastalagan. Xorijiy mamlakatlarda gastrolda boʻlgan. L. ning oʻgʻli Nodir Lutfullayev — za-monaviy estrada qoʻshiqchisi, repertuaridan zamonaviy estrada qoʻshiqlari, oʻzbek xalq qoʻshiqlari va mumtoz ashulalar oʻrin olgan.