Arab davlatlari uyushmasi

ARAB DAVLATLARI UYUSHMASI - 1945 y.da arab davlatlari siyosiy yo‘nalishlarini muvofiqlashtirish, ular mustaqilligi va suverenitetini himoya qilish, iqtisodiy, ijtimoiy hamda ma-daniy aloqa sohalarida hamkorligini rivojlantirish maqsadida tuzilgan mintaqaviy tashkilot. A.d.u.ga Yaqin Sharq va Shim. Afrikaning mustaqil arab mamlakatlari uyushgan. A.d.u. tashki-lotchilari — Misr, Suriya, Iroq, Iorda-niya, Livan, Saudiya Arabistoni va Yaman Respublikasidir. Keyinroq Ad.u.ga Ja-zoir, Bahrayn, Jibuti, Quvayt, Liviya, Mavritaniya, Marokash, Qatar, Somali, Sudan, Tunis, Birlashgan Arab Amirli-klari, Yaman Xalq Demokratik Respubli-kasi, shuningdek Falastin Ozodlik Tash-kiloti a’zo bo‘ldi.A.d.u.ning rahbar organi — Kengash (Majlis) hisoblanadi, uning tarkibiga har a’zo mamlakatdan bitta vakil kiri-tiladi. Kengash o‘z majlislarini bir yilda ikki marta o‘tkazadi. Hamma a’zo-lar uchun majburiy qarorlar faqat yakdil ovoz b-n qabul qilinadi. Ko‘pchilik ovoz b-n qabul qilingan qarorlar bularni qo‘llab-quvvatlab ovoz bergan mamla-katlar uchungina majburiydir. Kengash huzurida bir necha doimiy ishchi qo‘mita va qator ixtisoslashgan tashkilotlar tuzilgan, ular iqtisodiy va ijtimoiy hamkorlik masalalari b-n shug‘ullanadi, umumiy loyiha va dasturlar ustida ish-laydi. A.d.u. Kotibiyatini Bosh kotib boshqaradi. A.d.u- boshqaruv idorasi Qohira (Misr)da joylashgan. A.d.u. BMT huzuridagi kuzatuvchi tashkilot mavqeiga ega. 1960—70 y.larda A.d.u. a’zolarining soni ko‘paydi, ular iqtisodiy qudrati mustahkamlanib, umumiqtisodiy va siyosiy manfaatlari kuchaydi. Shu tu-fayli A.d.u. doirasida arab davlatlari hamkorligi kengaydi. Uyushmaning umu-marab bozori, Arab Taraqqiyot banki, arablararo o‘quv yurtlari, Narkotiklarga qarshi kurash olib boruvchi arab byurosi va "Arab press" axborot byurosini tu-zish bo‘yicha dasturlar ishlab chiqildi.

Adabiyotlar

• OʻzME. Birinchi jild. Toshkent, 2000-yil