Mavlono Ziyoiy
Mavlono Ziyoiy (XV XVI asr) – fors-tojik tilida ijod qilgan nishopurlik shoir. Nomi “Majolis un-nafois”ning[1] uchinchi majlisida tilga olinadi[2]. Navoiy uning Nishopur zurafolaridan ekanligini aytib, quyidagi matlaʼsini keltiradi:
Ba xuni oshiq imshab tashna binam laʼli serobash,
Madeh may, soqiyo, tarsamki, az masti barad xobash.
(Mazmuni: Uning laʼl lablari bu kecha oshiq qoniga tashna koʻrinadi.
Ey soqiy, unga may berma, qoʻrqaman, mastlikdan uni uyqu elitmasin).