Mavlono Majdiddin Hoji
Mavlono Majdiddin Hoji – “Nasoyim ul-muhabbat”da tilga olingan hindistonlik tasavvuf shayxi. Dastlab Lohurda yashab, ham sharʼiy, ham dunyoviy bilimlarni chuqur oʻzlashtirgan. Sulton Shamsiddin Iltutmish uni Dehliga taklif etib, koʻp izzat va ikrom koʻrsatadi. Ushbu shayx haqidagi faslni “Nasoyim ul-muhabbat”ga Alisher Navoiyning oʻzi yozib, kiritgan[1][2].