Maʼrifat Ubaydullayeva

Vikipediya, ochiq ensiklopediya
Jump to navigation Jump to search

Maʼrifat Ubaydullayeva (1929.4.6, Namangan viloyati Chodak qishlogʻi) — Oʻzbekiston xalq artisti (1983). 1953— 61 yillar Namangan viloyat musiqali drama va komediya teatrida, 1961—92 yillar Andijon viloyat musiqali drama teatrida, 1992 yildan Abbos Bakirov nomidagi Andijon yoshlar teatrida aktrisa. Shirin ("Farhod va Shirin"), Xemnolina ("Gang daryosining qizi"), Sanam ("Aziz va Sanam"), Oyparcha, Nodirabegim ("Nodira"), Layli ("Layli va Majnun"), Zulxumor ("Ravshan va Zulxumor"), Nurxon ("Nurxon"), Jamila ("Boy ila xizmatchi"), Katarina ("Oʻjar qizning quyulishi"), Nigoroyim ("Mehrobdan chayon"), Momo ("Hayot eshik ortida"), Nargiz ("Nargiz") kabi rollari uning ijodida alohida oʻrin tutadi. U. lirik va xarakterli rollar ustasi boʻlib, uning ijodi yuqori ovoz, dramatik mahorati, badiiy ifodasi hayotiyligi bilan ajralib turadi. "Elyurt hurmati" ordeni bilan mukofotlangan (2002).[1]

Manbalar[tahrir]

  1. OʻzME. Birinchi jild. Toshkent, 2000-yil