London universiteti

Vikipediya, ochiq ensiklopediya

London universiteti - Buyuk Britaniyadagi eng yirik universitet va ilmiy tadqiqotlar markazlaridan biri. 1836 yil qirol Vilgelm IV farmoniga muvofiq, mamlakatning ayrim universitetlari talabalariga ilmiy daraja beradigan (tegishli imtihonlarni topshirgandan soʻng) muassasa sifatida tashkil etilgan. 1898 yil qayta tuzilib, oliy oʻquv yurti vazifasini ham oʻtay boshladi. 1907 va 1910 yilda parlamentning maxsus qarori bilan London universiteti tarkibiga Universitet (1826 yil tashkil etilgan) va Qirollik (1829) kollejlari qoʻshildi. London universiteti texnika fanlari, iqtisodiyot, yuridik, teologiya, tibbiyot, ped., musiqa fanlari boʻyicha mutaxassislar tayyorlaydi. Un-tda ijtimoiy va tabiiy fanlar boʻyicha turli ilmiy tadqiqotlar institutlari bor. 1947 yil London universiteti huzurida Britaniya tibbiyot federatsiyasi tashkil etilgan. Kutubxonasida 1 mln.dan ortiq asar saqlanadi. Un-tda 55 mingga yaqin talaba taʼlim oladi, 1,5 mingga yaqin oʻqituvchi ishlaydi. Ilmiy va ilmiy-metodik adabiyotlar nashr etadi.[1]

Manbalar[tahrir]

  1. OʻzME. Birinchi jild. Toshkent, 2000-yil