Liviya choʻli

Vikipediya, ochiq ensiklopediya

Liviya choʻli — Afrikadagi tropik choʻl. Liviyaning sharqiy, Misrning gʻarbiy va Sudanning shim. hududlarida, Sahroi Kabirning shim.-sharqiy qismi. Maydoni 2 mln. km² chamasida. Shim. qismi qumtepalarning balandligi 300 m gacha boʻlgan qum bilan qoplangan pasttekislik. Shim.sharqida chuqur tektonik soyliklar (Kattara botigʻining yer yuzasi dengiz sathidan 133 m past) bor. Jan. qismi balandligi 400–500 m, eng baland joyi 1934 m boʻlgan platodan iborat. Iklimi tropik choʻl iqlimi. Oʻrtacha temperatura yanvarda 13—15°, iyulda 32—35°. Yillik oʻrtacha yogʻin 25 mm, shim.da 100 mm gacha, baʼzan bir necha yil yogʻin yogʻmaydi. Oʻsimlik kam. Vohalarda xurmo, shaftoli, oʻrik yetishtiriladi, donli ekinlar ekiladi. Chorva boqiladi. Fayyum va Harga vohalari temir yoʻl orqali Nil vodiysi bilan bogʻlangan.[1]

Manbalar[tahrir]

  1. OʻzME. Birinchi jild. Toshkent, 2000-yil