Litecoin

Vikipediya, ochiq ensiklopediya
Navigatsiya qismiga oʻtish Qidirish qismiga oʻtish
Litecoinning rasmiy logosi

Litecoin (belgisi: Ł) — bu Bitcoinning forki, piringli elektron toʻlov tizimi hisoblanib, shu nomdagi kriptovalyutadan foydalanadi. Tizimning ishlashi va himoya qilish uchun kriptografik uslublardan foydalaniladi.[1][2] Litecoindan Bitcoinga almashtirishda foydalanish yoki almashtirgichlarda umumiy qabul qilingan pullarga almashtirish, shuningdek ularni qabul qilishga tayyor boʻlgan sotuvchilarda tovarlar yoki xizmatlar uchun elektron toʻlov uchun ham foydalanish mumkin.

Bitkoinlar va laytkoynlar orasidagi farqlar[tahrir | manbasini tahrirlash]

Litecoin Bitcoinning Namecoin nomli forkidan keyin ikkinchi oʻrinda turadi va undan quyidagi kichik farqlari bor: Bitkoinning blokcheynida yangi blok har 10 daqiqada paydo boʻladi, laytkoin tarmogʻida esa bu jarayon atigi 2,5 daqiqa vaqt oladi. Shuning uchun litecoin tarmogʻida tranzaktsiyalar 4 baravar tezroq oʻtadi va ularning qiymati bitkoinga nisbatan 3-5 baravar arzonroq.

Laytkoinlarni mayning qilish ishlab topilgan tangalarning umumiy soni 84 millionga yetganda toʻxtaydi. Bitkoyinlarning chegaraviy soni 4 baravar kamroq — 21 million.[3]

Bitkoin SHA-256 asosida ishlasa, laytkoinda FreeBSDning xavfsizlik ofitseri Kolin Persival tomonidan ishlab chiqilgan scrypt qoʻllaniladi. Scrypt funktsiyasi mayning qilishni yengillashtiradi.[4][5]

Tarix[tahrir | manbasini tahrirlash]

Litecoin ochiq asl kodli kliyenti bilan 2011-yil 13 oktyabrda GitHubda eʼlon qilingan edi.

2013-yil noyabrda Litecoinning bozordagi kapitallashuvi 1 milliard dollarga yetdi.[6]

2014-yil boshida Litecoin ishlab chiquvchilari komandasi Android ilovaning alfa versiyasini eʼlon qildilar.

2017-yilning may oyida Litecoinning dasturiy taʼminotida SegWitni qoʻllash faollashtirildi.[7]

2017-yilning sentyabr oyida ilk atomar tranzaktsiyalar amalga oshirildi.[8]

2021-yil avgust oyida Litecoinning kapitallashuvi 12,2 milliard dollarni tashkil etdi.[9]

Manbalar[tahrir | manbasini tahrirlash]

  1. „Bitcoin P2P e-cash paper“. metzdowd.com. Qaraldi: 1-noyabr 2021-yil.
  2. „CFTC Statement on Self-Certification of Bitcoin Products by CME, CFE and Cantor Exchange“. cftc.gov. Qaraldi: 1-noyabr 2021-yil.
  3. „Bitcoin vs Litecoin Guide“. comparebrokers.co. Qaraldi: 1-noyabr 2021-yil.
  4. „Stronger key derivation via sequential memory-hard functions“. tarsnap.com. Qaraldi: 1-noyabr 2021-yil.
  5. „Litecoin Miner Status“. andykellett.com. Qaraldi: 1-noyabr 2021-yil.
  6. „Crypto-Currency Bubble Continues: Litecoin Surpasses Billion Dollar Market Capitalization“. forbes.com. Qaraldi: 1-noyabr 2021-yil.
  7. „Litecoin Successfully Activates SegWit“. coindesk.com. Qaraldi: 1-noyabr 2021-yil.
  8. „What is Atomic Cross-Chain Swap? How it websites?“. steemit.com. Qaraldi: 1-noyabr 2021-yil. [sayt ishlamaydi]
  9. „Litecoin price“. coinmarketcap.com. Qaraldi: 1-noyabr 2021-yil.