Kurkuvaqlar

Vikipediya, ochiq ensiklopediya
Jump to navigation Jump to search

Kurkuvaqlar (Meropidae) - koʻkqargʻalar turkumiga mansub qushlarning bir oilasi. 25 turi maʼlum. Yevropaning janubi, Shim. Afrika va Osiyoda tarqalgan. 2 turi: koʻkqunok va koʻk-kurkuvak yoki boʻzdoq Oʻrta Osiyoda uchraydi. K. chiroyli: patlari yashil, sariq, havo rang; bir turining pati qizil boʻlganidan qizil kurkuvak deyiladi. Oʻzbekistondagi K. qishlash uchun Jan. Afrikaga uchib ketadi. K. daraxtsiz ochiq yerdarda, jarliklarda, daryo boʻylarida yashaydi. Urchish vaqtida katta gala boʻlib, baland tik jar va tepaliklar yen bagʻrini tumshugʻi bilan kovlab, uya yasaydi. May—iyunda 4 — 10 ta tuxum qoʻyadi. Hasharotlar, chigirtkalar, qoʻngʻizlar va boshqa bilan oziqlanadi.[1]

Manbalar[tahrir]

  1. OʻzME. Birinchi jild. Toshkent, 2000-yil