Kim Yen Tak

Kim Yen Tak
Tavalludi	1910-yil Olginskiy tumani, Primorsk viloyati
Vafoti	Aniq emas
Fuqaroligi	SSSR
Mukofotlari

Kim Yen Tak, shuningdek, Kim Yong-Tak, Kim Yong-Tyak (1910-yil, Olginskiy tumani, Suchanskiy volosti, Primorsk viloyati – vafot etgan yili nomaʼlum) – Oʻzbekiston SSR, Toshkent viloyati, Yuqori Chirchiq tumanidagi „Pravda“ kolxozi rahbari. Sotsialistik Mehnat Qahramoni (1951).

Hayoti

Kim Yen Tak 1910-yilda Primorsk viloyati, Olginskiy tumanidagi qishloq aholi punktlaridan birida dehqon oilasida tugʻilgan.

1937-yil kuzida yapon militaristlarining Xitoyga bostirib kirishi natijasida, Rossiyaning Uzoq Sharq hududidagi aholini mamlakatning boshqa hududlariga koʻchirish boshlanadi. 1937-yilda Kim Yen Tak ham butun qishloq aholisi bilan birgalikda O‘zbekiston SSR Toshkent viloyatidagi maxsus posyolkaga surgun qilingan. Kim Yen Tak 1950-yillarning boshlaridan Yuqori Chirchiq tumanidagi „Pravda“ kolxozida brigada boshligʻi, brigadir boʻlib ishlagan.

1950-yilda Kim Yen Tak boʻlinmasi 14,7 gektar maydonning har gektaridan oʻrtacha 98 sentnerdan yashil kanop poyasi oldi. SSSR Oliy Kengashi Prezidiumining 1951-yil 17-iyuldagi farmoni „Kolxozda barcha turdagi majburiy topshiriqlar va shartnomalarni toʻliq bajargani, sugʻoriladigan yerlarda qishloq xoʻjaligi mahsulotlari, yashil kanopdan yuqori hosil olgani uchun“ Sotsialistik Mehnat Qahramoni unvoni bilan taqdirlangan. Shuningdek, „1950-yilda MTS ishi uchun natura toʻlovlari va 1951-yil bahorgi ekinlarni ekish uchun tayyorlash, ularni toʻliq miqdorida urugʻlik bilan taʼminlashdagi ishtiroki uchun“ Lenin ordeni hamda „Oʻroq va Bolgʻa“ oltin medali berilgan.

Xuddi shu farmon bilan Yuqori Chirchiq tumanidagi „Pravda“ kolxozidan yana besh kishiga Sotsialistik Mehnat Qahramoni unvoni berilgan. U Xalq xoʻjaligi yutuqlari Butunittifoq koʻrgazmasida qatnashgan.

Kim Yen Takning vafot etgan sanasi aniq emas.