Kano

Kano — Nigeriyaning shim. qismidagi shahar. Kano shtatining maʼmuriy markazi. Avtomobil yoʻllari tuguni, temir yoʻl stansiyasi. Aeroporti xalqaro ahamiyatga ega. Aholisi 595 ming kishi (1990-yillar oʻrtalari). Mamlakatning yirik savdo va hunarmandchilik (kumush, charmdan turli buyumlar tayyorlash) markazi. Oziq-ovqat, koʻn poyabzal, kimyo, sement sanoati korxonalari, toʻqimachilik f-kasi mavjud. Un-t bor. Shahar 9-asrdan maʼlum. 19-asrgacha Kano davlati poytaxti boʻlgan.