Oʻzbekiston yoshlar ittifoqi

Vikipediya, ochiq ensiklopediya

O‘zbekiston yoshlar ittifoqi jismonan sog‘lom, ma’nan yetuk va intellektual rivojlangan, mustaqil fikrlaydigan yosh avlodni shakllantirish, yoshlarni tashqi tahdidlar va “ommaviy madaniyat”ning zararli ta’siridan muhofaza qilish, yoshlarning huquq va qonuniy manfaatlarini himoya qilishga har tomonlama ko‘maklashish va shart-sharoitlarni yaratish maqsadida jismoniy shaxslar tomonidan ittifoq tashkiliy-huquqiy shaklida tuzilgan, O‘zbekiston yoshlarini birlashtiruvchi nodavlat notijorat tashkilotidir.

Ittifoqning asosiy maqsadi yoshlarni mamlakatda amalga oshirilayotgan demokratik, siyosiy va iqtisodiy islohotlarni yanada chuqurlashtirish, jamiyatda tinchlik va hamjihatlikni mustahkamlash, O‘zbekistonni jahonning rivojlangan mamlakatlari qatoriga kirishi jarayonlariga jalb qilish hamda yosh avlodning huquqlari, erkinliklari va qonuniy manfaatlarini samarali himoya qilishni ta’minlash, yigit-qizlarning ma’naviy va kasbiy saviyasini yuksaltirish, ularning intellektual va ijodiy salohiyatini ro‘yobga chiqarishga ko‘maklashishdan iborat.[1]

Shuningdek yoshlar ittifoqi qoshida "Kamalak" bolalar tashkiloti mavjud va tashkilot 2001-yil 23-may kuni tashkil topgan. Tashkilot 10 yoshdan 14 yoshgacha bo'lgan sinf o'quvchilarining liderlik qobiliyatlarini rivojlantiradi va o'quvchilarning bo'sh vaqtini mazmuni tashkillashtiradi. Tashkilot har yili o'zining "Vatan, do'stlik va baxtli bolalik uchun" shiori ostida o'zining an'anaviy anjumanini o'tkazadi.

Manbalar[tahrir | manbasini tahrirlash]