Kamalak

Vikipediya, ochiq ensiklopediya
Jump to navigation Jump to search

Kamalak — 1) osmon gumbazida rango-rang boʻlib koʻrinadigan yoy; yorugʻlikning atmosferadagi yomgʻir tomchilarida sinishi, qaytishi va difraksiyasi natijasida yuz beradi. Yomgʻir yogʻib oʻtgach, Quyoshga qarama-qarshi tomonda hosil boʻladi. Quyosh ufqqa qancha yaqin boʻlsa, K. shuncha katta koʻrinadi. K.ning burchak radiusi 42° ga teng , tashqi qismi qizil, ichki qismi binafsha rangda koʻzga tashlanadi; unda boshqa ranglar toʻlqin uzunligiga qarab joylashadi. Ayrim vaqtlarda atmosferada qoʻshaloq K. ham kuzatiladi. Qoʻshimcha K. ichki qizil qismining burchak radiusi 50° ga teng . Baʼzan, atmosferada ayni bir vaqtda 3 tadan 6 tagacha K. hosil boʻlishi mumkin; 2) ov va jang quroli (qarang Kamon, Oʻq-yoy).[1]

Manbalar[tahrir]

  1. OʻzME. Birinchi jild. Toshkent, 2000-yil