K. Megan McArthur
| Megan McArthur | |
|---|---|
 | |
| Tavalludi |
30-avgust 1971-yil Gonolulu, Gavayi , AQSh |
| Fuqaroligi | AQSh |
| Kasbi | Okeanograf |
| Kosmik karyera | |
Kosmosdagi vaqt |
212 kun 15 soat 21 daqiqa |
Missiya belgisi |
    |
Megan McArthur (talaffuzi: Megan Makartur 1971-yil 30-avgustda tugʻilgan) — amerikalik okeanograf, muhandis va NASA astronavti. U Space Shuttle va Xalqaro kosmik stansiyada (XKS) kapsula aloqachisi (CAPCOM) bo'lib ishlagan. Megan MakArtur Crew Dragon Endeavourda bitta kosmik kema, STS-125 va bitta SpaceX Crew-2 missiyasini bajardi. MakArtur Shuttle Avionika Laboratoriyasida (SAIL) ishlagan. U hamkasbi astronavt Robert L. Behnkenga turmushga chiqqan[1].
Yoshlik[tahrir | manbasini tahrirlash]
MakArtur Gavayi orollarining Gonolulu shahrida tug'ilgan. U Kaliforniyada o'sib ulg'aygan[2][3]. U dastavval London markaziy o'rta maktabida o'qigan. Keyinchalik Kaliforniyaning Mauntin shahridagi Sent-Frensisk o'rta maktabini tamomlagan. U 1993-yilda Los-Anjelesdagi Kaliforniya universitetida aerokosmik muhandislik bo'yicha bakalavr darajasini olgan. 2002-yilda Kaliforniya universiteti qoshidagi Skripps okeanografiya institutida, okeanografiya bo'yicha fan nomzodi ilmiy darajasi berilgan.
Okeanografiya faoliyati[tahrir | manbasini tahrirlash]
Skripps Okeanografiya Institutida MakArtur suv osti akustik tarqalishi, ya'ni raqamli signallarni qayta ishlash bo'yicha bir qancha tadqiqotlar olib bordi[2]. Uning tadqiqotlari genetik algoritmni inversiya qilish va geoakustik modellarni aniqlashga qaratilgan. U dengizda ma'lumotlarni yig'ish operatsiyalari paytida bosh olim bo'lib ishlagan. Shuningdek dengiz tubida asboblarni joylashtirish, cho'kindi namunalarini yig'ish operatsiyalarini rejalashtirgan va boshqargan. Scrippsda u suvda asboblarni sinovdan o'tkazish, joylashtirish, texnik xizmat ko'rsatish va qayta tiklash, shuningdek, dengiz o'simliklari, hayvonlari va cho'kindilarni yig'ishda ishtirok etgan.
NASA faoliyati[tahrir | manbasini tahrirlash]
MakArtur 2000-yil iyul oyida NASA tomonidan missiya boʻyicha mutaxassis sifatida tanlangan. U 2000-yil avgust oyida oʻqish uchun yo'llandi[2]. MakArtur Ikki yillik o'qitish va baholashni tugatgandan so'ng, Shuttle Avionika Integratsiya Laboratoriyasida (SAIL) shattl tizimlari bo'yicha texnik masalalar bilan shug'ullanadigan bo'limiga ishga kirdi. Keyin MakArtur Xalqaro kosmik stansiyada (XKS) olti oylik missiyasi davomida Ekspeditsiya 9 ekipaji uchun qo'llab-quvvatlovchi astronavt sifatida xizmat qildi. U, shuningdek, Koinot stansiyasi va Kosmik kemalar missiyasini boshqarish markazlarida kapsula aloqachisi (CAPCOM) sifatida ishlagan. 2006-yilda MakArtur STS-116 uchun CAPCOM edi. U, shuningdek, 2007-yilda STS-117 missiyasi uchun EVA capcomi bo'lgan.
STS-125[tahrir | manbasini tahrirlash]
2009-yilda Megan MakArtur Hubble kosmik teleskopiga xizmat ko'rsatish bo'yicha STS-125 missiyasining a'zosi etib tayinlandi. MakArtur ko'tarilish va kirish bo'yicha parvoz muhandisi va missiya uchun robototexnika ekipajining yetakchi a'zosi hisoblangan. Bu missiya[2] MakArturning koinotga birinchi sayohati edi.
2019-yilda MakArtur Astronavtlar idorasi boshlig'ining o'rinbosari etib tayinlandi.
Ekspeditsiya 65/66[tahrir | manbasini tahrirlash]
Ekipaj-2 2021-yil aprel oyida ishga tushirildi va XKSga tutashdi. Ular 6 oylik missiyasini boshladi. Ekipaj 2021-yil noyabr oyida Meksika ko‘rfaziga qo'ndi.
Shaxsiy hayot[tahrir | manbasini tahrirlash]
MakArtur hamkasbi astronavt Bob Benkenga turmushga chiqqan va ularning Teodor Benken ismli bir o'g'li bor[4].
Havolalar[tahrir | manbasini tahrirlash]
- K. Megan McArthurning NASA biografiyasi 2016-yil mart
- Spacefacts K. Megan McArthuring tarjimai holi
- K. Megan McArthur Twitter sahifasi
Manbalar[tahrir | manbasini tahrirlash]
- ↑ „Astronauts eager for last Hubble visit: Final telescope servicing mission brings veterans and rookies together“. NBC News (2009-yil 4-may).
- ↑ 2,0 2,1 2,2 2,3 Whiting. „Megan McArthur (PH.D.) NASA Astronaut“. NASA (2016-yil 2-mart). Qaraldi: 2020-yil 10-mart.
- ↑ „Meet Megan McArthur, Crew-2 Pilot“. YouTube. NASA (2021-yil 23-aprel). 2022-yil 8-oktyabrda asl nusxadan arxivlangan. Qaraldi: 2021-yil 14-iyun.
- ↑ „Astronaut Bob Behnken will be one of two-person crew on Crew Dragon Demo-2 launch“ (en-US). SpaceFlight Insider (2020-yil 6-may). 2022-yil 23-iyunda asl nusxadan arxivlangan. Qaraldi: 2022-yil 8-oktyabr.