Ilmiy tadqiqot institutlari

Vikipediya, ochiq ensiklopediya

Ilmiy tadqiqot institutlari — fan, texnika, i.ch. sohalarida ilmiy tadqiqot olib boradigan muassasa. Dastlab 19-a. oxiri 20-a. boshlarida vujudga kelgan. 1888.y. Parijda Paster instituti, 1909 y. Radiy instituti tashkil etilgan. 20-a.ning boshlaridan nazariy masalalar bilan birga texnika, q.x., sogʻliqni saklash boʻyicha muhim muammolar ustida tadqiqotlar olib boruvchi turli I.t.i. paydo buldi. 20-a. ning oʻrtalariga kelib I.t.i. koʻp mamlakatlarda ilmiy faoliyatni tashkil etishning asosiy shakli boʻlib qoldi. Oʻzbekistonda asosiy nazariy muammolar i.t. ishlarining muvofiklashtirish markazi — Oʻzbekiston Fanlar akade-miyasida tadqiq etiladi. Bilimning muayyan sohalarini tadqiq etuvchi va bevosita vazirliklar, davlat qoʻmitalariga buysunuvchi tarmoq I.t.i.lari ham mavjud. Oʻzbekistonda birinchi i.t. muassasasi — Toshkent astronomiya va fizika observatoriyasi (hoz. Astronomiya instituti) 1873 y. tashkil etilgan. 2000 y. Oʻzbekistonda 100 dan ortiq I.t.i. ishladi.[1]

Manbalar[tahrir]

  1. OʻzME. Birinchi jild. Toshkent, 2000-yil