Ikroma Boltayeva

Ikroma Boltayeva
Tugʻilgan sanasi	16-yanvar 1916-yil
Tugʻilgan joyi	Kitob
Vafot sanasi	21-noyabr 1993-yil(1993-11-21) (77 yoshda)
Vafot joyi	Toshkent, Oʻzbekiston
Kasbi	teatr aktrisasi
Teatr	Qashqadaryo teatri, Hamza teatri
Mukofotlari

Ikroma Boltayeva (1916.16.1, Kitob – 1993.21.11, Toshkent) – O‘zbekiston SSR xalq artisti (1956). Pedagogika bilim yurtida (1930—1932), Lohutiy nomidagi Toshkent teatr texnikumida (1933—1934) taʼlim olgan. Ijodiy faoliyatini Qashqadaryo teatrida boshlagan. 1934—1945-yillar Samarqand teatrida ishlab, Qunduz („Togʻ qizi“), Ledi Milford („Makr va muhabbat“), Maysara, Jamila („Maysaraning ishi“, „Boy ila xizmatchi“) kabi obrazlarni yaratgan. 1946-yildan Hamza teatrida. Boltayevaning obrazlari mukammal va tugalligi bilan ajralib turadi. Yuksak aktyorlik mahorati, ifodali nutqi, yorqin maishiy boʻyoqlar vositasida oʻziga xos qaytarilmas obrazlar yaratishga erishdi. Mashhur rollari: Varvara („Momaqaddiroq“), Hafiza, Saltanat, Netayxon, Shakarbuvi („Yangi yer“, „Shohi soʻzana“, „Tobutdan tovush“, „Ayajonlarim“), Dezdemona („Otello“), Nuri („Qutlugʻ qon“), Marhamat („Parvona“), Huriniso, Saodat („Oltin devor“, „Istanbul fojiasi“), Bashorat, Farmonbibi („Kelinlar qoʻzgʻoloni“) va boshqa Kinoda (Halima, „Mahallada duv-duv gap“ va boshqalar) ham rollar ijro etgan. Hamza nomidagi Oʻzbekiston Davlat mukofoti laureati (1979).