Idris

Idris alayhissalom

Idris — Qurʼonda nomi zikr etilgan paygʻambarlardan biri. Rivoyat qilishlaricha, I. yer yuzida 365 yil yashagan. Ulamolarning kuchli gaplariga qaraganda, Idris alayhisalom Bobilda tavallud topganlar. U kishining otalarining ismi Yorid, bobolarining ismi Mahloil bo'lgan. Bu olijanob, taqvodor insonni Alloh "yuksak martabaga koʻtargan" (Qurʼoni karim, 19:56—57). Islomshunoslar I.ni Bibliyadagi Enoh, baʼzan Ezdra kabi afsonaviy shaxslar bilan taqqoslaydilar. U ajal farishtasini aldab, jannatga kirgan va Allohga sadoqati uchun qiyomat kunigacha oʻsha joyda yoki yetti osmonning birida qoldirilgan. U xat va yozuvni, kiyim tikib, kiyinib yurishni boshlab bergan, vaqt hisobini bilgan paygʻambardir. Idris alayhisalom davrlarida 188 ta shahar qurilgan ekan. Tikuvchilar piri hisoblanadi.