Ibrohim Utrush

Ibrohim Utrush – “Nasoyim ul-muhab­bat”da tilga olingan tasavvuf shayxi. Oʻzini karlikka solib, bekorchi va bemaʼni soʻzlarga mutlaqo eʼtibor qaratmaslik odati boʻlgani uchun unga “Utrush” nomi berilgan. Ibrohim Utrush haqida maʼlumot bergan dastlabki manba Ansoriyning “Tabaqot us-soʻfiya” asari boʻlib, keyingi manbalarda undagi maʼlumotlar aynan takrorlangan. “Nasoyim ul-muhabbat”da keltirilishicha, haqiqiy darveshlarning rikvasi (ozuqa xaltasi) ­– kafti, yostigʻi ­– qoʻli, ishongan boyligi – Haq taoloning oʻzidir.