Husan Tursunaliyev

Tursunaliyev Husan — 1867-yili tug‘ilgan, Shahrisabz rayoni Ammagon qishlog‘idan, o‘zbek, davlat majburiyatini bajarmaganligi uchun 5 yil qamoq jazosiga, 5 yil surgun qilishga hukm qilingan, qamoq jazosini o‘tagan, surgun qilishdan bosh tortgan, yashirinib yurgan. Diniy xizmatchi, domla, imom. Kolxozchilar orasida doimiy ravishda targ‘ibot olib borgan, kolxozchilarni hukumat topshiriqlarini bajarmaslikka chaqirgan, kimda-kim sovet hokimiyatiga bo‘ysunib ish ko‘rsa, u o‘lganidan so‘ng do‘zax azobini tortadi deb aytganlikda, kolxozchilarni ochligi to‘g‘risida aksilinqilobiy mish-mishlar tarqatganlikda ayblangan.