Hoji Barlos

Vikipediya, ochiq ensiklopediya

Hoji barlos (? - 1361) - Sohibqiron Amir Temurnint amakisi. movarounnahrning nufuzli va yirik bek(amir)laridan. Amir Qazagʻonning oʻgʻli amir Abdulloh oʻz qarorgohini Samarqandga koʻchirmoqchi boʻlganda norozi beklar tomonidan oʻldirilgach, amir Bayon Sulduz va amir H. B. mamlakatni oʻz qoʻllariga olib, idora etish va xalq osoyishtaligini taʼminlashga harakat qiladilar. Kesh shahri ilgaridan Sohibqiron va amir H.B. ajdodlari tasarrufida boʻlgan. H.B. nufuzi baland bek boʻlishiga qaramay nisbatan jurʼatsiz va qoʻrqoq shaxs edi. 1360-yil u Jete sipohining bostirib kelishidan qoʻrquvga tushadi va qadim yurtini eʼtiborsiz qoldirib, Xuro-son tomon yuzlanadi. Xurosondan qaytgan H.B. amir Boyazid bilan ittifoq tuzib Amir Temurga qarshi Oqyor mavzesida jangga kiradi va magʻlubiyatga uchrab, Samarqandga qochadi. Maʼlum muddatdan soʻng H.B. Sohibqiron bilan yarashadi va ular amir Xizr ustiga yurish qilib, gʻalaba qozonishadi. 1361-yil Jete hukmdori Tugʻluq Temurxon ikkinchi bor Movarounnahrga cherik tortib kelganda H.B. vahima va qoʻrquvga tushib Kesh tomonga, u yerdan Jayhunni kechib oʻtishga jazm qiladi. Sabzavor viloyatining Joʻyan tumanidagi Xoʻrosha qishlogʻiga yetgan chogʻida shu joyning bir toʻda isyonkorlari uni birodari Idiku bilan tutib olib, qatl etadilar.

Adabiyot[tahrir | manbasini tahrirlash]

  • Nizomiddin Shomiy, Zafarnoma, T., 1996; Sharafuddin Ali Yaz-diy, Zafarnoma, T., 1997.