Halima Komilova

Vikipediya, ochiq ensiklopediya
Jump to navigation Jump to search

Halima Olimovna Komilova (1926.24.12, Margʻilon — 1984.29.3, Toshkent) — balet artisti, raqqosa. Oʻzbekiston xalq artisti (1967). Us t a Olim Komilovning qizi. Oʻzbek opera va balet teatri (Navoiy teatri) qoshidagi balet studiyasini (1948), Katta teatr (Moskva) qoshidagi xoreografiya bilim yurtini (1951) tugatgan. 1942 yildan Navoiy teatrida ishlagan. 1982— 84 yillar Toshkent xoreografiya bilim yurtida pedagog. U yaratgan obrazlar oʻzining badiiy yuksaqligi, kuchli drama-tizmi, turli harakterdagi qahramonlari feʼl-atvorini, ichki dunyosini nafis harakatlarda ustalik bilan ochib berish, milliy mumtoz raqslarni alohida mahorat bilan ijro etishi bilan aj-ralib turadi. Eng yaxshi partiyalari: Zarema (B.Asafyev, "Zarema"), Bal malikasi (R.Glier, "Mis chavandoz"), Lola (G.Mushel, "Raqqosa"), Siren pariyey, Odilliya (P. Chaykovskiy, "Uyqudagi goʻzal", "Oqqush koʻli"), Oynisa (B. Giyenko, D. Zokirov, "Oynisa"), Kitri, Koʻcha raqqosasi (L.Minkus, "Don Kixot"), Karmen (M.Ravel, "Bolero") va boshqa K, ayniqsa, oʻzbek, tojik va boshqa sharq xalqlari raqslaridagi lirik joʻshqinlik, shoʻx, ayni paytda nafis ravon ijrosi, harakatlaridagi chaqqonlik bilan tomoshabinlar eʼtiborini qozongan: "Zang", "Larzon", "Ey nigorim", "Rohat", "Togʻli Badaxshon", "Munojot", "Pilla raqsi", "Shodiyona", "Tanavor", "Hindcha", "Arabcha", "Ispancha" raqslar shular jumlasidan. Jahon yoshlari va studentlarining 3-festivali (Berlin, 1951) laureati.[1]

Manbalar[tahrir]

  1. OʻzME. Birinchi jild. Toshkent, 2000-yil