Halil Mutlu
| Halil Mutlu | |
|---|---|
.jpg) | |
| Shaxsiy maʼlumotlari | |
| Taxallusi/Laqabi | „Dinamo“ |
| Fuqaroligi |
 Turkiya  Bolgariya |
| Tavallud sanasi |
14-iyul 1973-yil Postnik, Momchilgrad munisipaliteti, Kardjali provinsiyasi, Bolgariya Xalq Respublikasi |
| Faoliyat yillari | 1992—2008 |
| Boʻyi | 1.50 m |
| Sport | |
| Mamlakat |
Turkiya |
| Qaysi sport | Ogʻir atletika |
| Klubi | Konya Kombassan |
| Murabbiy(lar)i | Ibrahim Elmali |
Halil Mutlu (tugʻilgandagi ismi Halil Aliev[1]; 1973-yil 14-iyul; Postnik, Bolgariya) — turkiyalik sobiq professional ogʻir atletikachi. Koʻp karra jahon va olimpiya chempioni. Mutlu Olimpiya oʻyinlarida ketma-ket uchta oltin medalni qoʻlga kiritgan beshta ogʻir atletikachidan biri. Uning sportchilik faoliyatidagi yutuqlari beshta jahon chempionati, toʻqqizta Yevropa chempionati va 20 dan ortiq jahon rekordlarini (52, 54 va 56 kg vazn toifalarida) oʻz ichiga oladi.
Faoliyati
[tahrir | manbasini tahrirlash]1994-yilda Yevropa va jahon chempionatlarida gʻoliblikni qoʻlga kiritgan. Bunday musobaqalarda gʻolib boʻlish tez orada Mutlu uchun odatiy holga aylanib qolgan. Faoliyatidagi dastlabki olimpiya oʻyinlarida 1992-yilda 52 kg vazn toifasidagi musobaqada qatnashgan va beshinchi oʻrinni egallagan[2]. 1996-yilda 54 kg vazn toifasida amaldagi jahon chempioni va jahon rekordchisi sifatida olimpiadada ishtirok etgan. Atlantadagi olimpiya oʻyinlarida Mutlu siltab koʻtarish boʻyicha jahon rekordini yangilagan va oltin medalni qoʻlga kiritgan[3]. 1999-yilgi jahon chempionatida kumush medal sovrindori Adrian Jigauni taxminan 20 kilogrammga ortda qoldirib, jahon rekordini yangilagan holda chempionlikni qoʻlga kiritgan[4]. 2000-yilgi Sidney olimpiadasiga qadar hech qaysi musobaqada magʻlub boʻlmagan va Sidneyda ham raqiblaridan yaqqol ustunlik qilgan. Bu safar Halil dast koʻtarishda ham, siltab koʻtarishda ham jahon rekordini oʻrnatgan 56 kg vazn toifasida chempionlikni qoʻlga kiritgan[5].
2003-yilda yelkasidan olgan jarohati sababli vaqtincha −62 kg vazn toifasiga oʻtgan.
Mutlu 1990-yillarning oʻrtalaridan boshlab oʻz vazn toifasida ustunlik qilgan. 2004-yilgi Afina olimpiadasigacha 2002-yilgi mavsumni jarohati tufayli oʻtkazib yuborgan boʻlishiga qaramasdan, besh marta jahon chempionligini qoʻlga kiritishga muvaffaq boʻlgan. Afinada xitoylik Vu Meyjinni dast koʻtarishda 5 kg va siltab koʻtarishda 7,5 kilogrammga ortda qoldirgan. Shu tariqa yana bir marta olimpiada chempionligini qoʻlga kiritgan[6].
Shaxsiy hayoti
[tahrir | manbasini tahrirlash]Mutlu uylangan va 1990-yillarning boshidan beri Turkiyaning Anqara shahrida yashaydi. U Koniyadagi Konya Kombassan klubi aʼzosi boʻlgan. Ibrahim Elmali Halilga murabbiylik qilgan. Mutlu ogʻir atletikadan tashqari kurashni bilan ham shugʻullanib turgan.
Manbalar
[tahrir | manbasini tahrirlash]- ↑ Xalil Mutlu: Detsata mi ne znayat bʼlgarski, no щe gi naucha
- ↑ „BARCELONA“. The New York Times (1992-yil 27-iyul). Qaraldi: 2008-yil 13-dekabr.
- ↑ „ATLANTA: DAY 2 -- ROUNDUP;WEIGHT LIFTING: Turk Takes Gold Medal at 119 Pounds“. The New York Times (1996-yil 21-iyul). Qaraldi: 2008-yil 13-dekabr.
- ↑ „PLUS: WEIGHT LIFTING -- WORLD CHAMPIONSHIPS; Mutlu of Turkey Sets Three Records“. The New York Times (1999-yil 23-noyabr). Qaraldi: 2008-yil 13-dekabr.
- ↑ „SYDNEY 2000: ROUNDUP -- WEIGHT LIFTING; The Fight for Second“. The New York Times (2000-yil 17-sentyabr). Qaraldi: 2008-yil 13-dekabr.
- ↑ „OLYMPICS: ROUNDUP; WEIGHT LIFTING: MUTLU OF TURKEY WINS THIRD GOLD“. The New York Times (2004-yil 16-avgust). Qaraldi: 2008-yil 13-dekabr.