Epikureizm

Vikipediya, ochiq ensiklopediya
Jump to navigation Jump to search

Epikureizm — Epikur gʻoyalaridan kelib chiqqan taʼlimot. Afinadagi maktabi — Epikur "Bogʻ"i. Epikur falsafadan saboq bergan bu "Bogʻ"da dastlab Metrodor, Poliyen, Ermarx, Kolot (miloddan avvalgi 4—3-asrlar), soʻng Sidonlik Zenon, Fedr, Filodem (miloddan avvalgi 2—1 a.lar) singari taniqli faylasuflar yetishib chiqqan. E.ning Rimdagi eng yirik namoyandasi — Lukretsiy. Epikur maktabi milodiy 4-asr oʻrtalarigacha yashab keldi. Uygʻonish davrida yangitdan, keyinchalik, 17—18-asrlarda materialistik va maʼrifatchilik oqimlari (P.Gassendi)da rivojlandi. Hayotning moddiy quvonchlarini, rohat, farogʻatni afzal koʻradigan odamlarni epikurchilar deb ataydigan boʻldilar.