Ekssudativkataral diatez

Vikipediya, ochiq ensiklopediya
Jump to navigation Jump to search

Ekssudativkataral diatez — allergik holat. Asosan, yosh bolalarda uchraydi. Ekssudativkataral diatezd.ga chalingan bolaning terisi va shilliq qavatlari turli taʼsirotlarga hamda kataralyalligʻlanish kasalliklariga moyil boʻlib qoladi. Bola organizmida moddalar almashinuvining buzilishi yoki baʼzi oziq-ovqat mahsulotlari (mas, sut, tuxum, qulupnay, sitrus mevalar, asal, shokolad)ni koʻtara olmaslik Ekssudativkataral diatezd.ga sabab boʻlishi mumkin. Ekssudativkataral diatezd.i bor bolaning terisi chaqaloqligidayoq oʻzgaradi; keyinroq, yaʼni bola ovqatga oʻrgatilganda terisidagi oʻzgarishlar yaqqol koʻrinadi; 3—5 yoshda ancha kamayadi. Dastlab bolaning tizza boʻgʻimlarida va qosh ravogʻida sargʻimtir, kepaklanib turadigan dogʻlar paydo boʻladi; bola toʻgʻri parvarish qilingan boʻlsa ham terisi suvchirab turadi; bola 1,5—2 oylik boʻlgach, yuzi qizarib, qasmoqlanadi; ogʻirroq hollarda qasmoq qoʻpayib, tuguntugun boʻlib qoladi. Ekssudativkataral diatezd.li bola oʻtkir respirator kasalliklar, tumov, angina, bronxit va boshqalar kasalliklarga tez chalinadi, ularda koʻz shilliq pardasining yalligʻlanishi (qarang Konʼyunktivit), oʻrta quloq yalligʻlanishi (qarang Otit) kuzatiladi, tez-tez ichi buzilib turadi. Bunday bolalar biror kasallik bilan ogʻrib tuzalganidan keyin anchagacha oʻziga kelolmay yuradi. Bola xomsemiz, rangpar boʻlib, qovoqlari shishadi, ishtahasi baland, baʼzi bolalarda bir oz pasayishi mumkin. Ularda infeksion kasalliklar bir qadar ogʻir kechadi.

Bolalar qichimasi (strofulyus), odatda, 2—3 yashar bolalarda uchraydi; tananing pastki qismi va oyoqlarga mayda tuguncha va toshmalar toshadi. Bunga koʻpincha shokolad, tuxum, sergoʻsht ovqatlar isteʼmol qilish sabab boʻladi.

Neyrodermit — bolalar ekzelvsining davomi boʻlib, odatda, 3 yashardan keyin uchraydi. Koʻproq Ekssudativkataral diatezga chalingan bolalarda kuzatiladi. Taqim, tirsak, bukiladigan joy va yirik burmalar sohasi quruqshab shoʻralaidi, terisi dagʻallashib qichishadi. Ekssudativkataral diatezd.ni vrach dayulaydi. Oʻz bilgicha davo qilish dardni ulgʻaytirib yuborishi mumkin. Bolaga shokolad, tuxum, ikra, kakao va boshqalar kuchli ovqatlarni bermagan maʼqul. Terisi bichilishga moyil bolalarga vaqtvaqgi bilan vanna qilib turish (sodali va margansovkali) va bolalar kremi surtish tavsiya etiladi. Terisi yalligʻlanib, suvchirab turadigan bolalarga vannadan tashqari muolajalarni, xususan, dorilarni vrach maslahati bilan berish mumkin.

Ekssudativkataral diatezd.ning oldini olishda homilador va emizikli ayollarning toʻgʻri ovqatlanishi, homiladorlik toksikozlarini vaqtida davolatishi ayniqsa muhim. Ekssudativkataral diatezd.ga moyil bolalar ovqati oʻziga xos tuziladi (yana q. Goʻdak).