Einar Aas
| Shaxsiy maʼlumot | |||
|---|---|---|---|
| Toʻliq ismi | Einar Jan Aas | ||
| Tavallud sanasi | 1955-yil 12-oktabr | ||
| Boʻyi | 185 sm | ||
| Ampluasi | Himoyachi | ||
| Professional faoliyati* | |||
| Yillar | Jamoa | Isht. | (Gol.) |
| 1979-1981 | Bavariya | 13 | (1) |
| 1981-1982 | Nottengem Forest | 21 | (1) |
| 1983-1987 | Moss | 43 | (1) |
| Milliy terma jamoa | |||
| 1977-1986 |
 Norvegiya | ||
| *Professional klublardagi gollari (ichki chempionat) | |||
Einar Jan Aas (norv.: Einar Jan Aas; 1955-yil 12-oktyabr) — norvegiyalik futbolchi, himoyachi.
Jamoalardagi faoliyati[tahrir | manbasini tahrirlash]
Einar Aas oʻz faoliyatini 1973-yilda ikkinchi divizion jamoasi „FC Moss“da boshlagan. 1976-yilda futbolchi FC Mossga birinchi divizionga chiqishga yordam berdi. Einar birinchi divizionda 66 ta oʻyin oʻtkazdi va FC Mossga 1979-yilgi Norvegiya chempionatida 2-oʻrinni egallashiga yordam berdi. 1979-yilda futbolchi "Bavariya"ga koʻchib oʻtdi. 1980-yil 12-yanvarda norvegiyalik futbolchi Germaniya kubogi doirasida „Bavariya“ uchun birinchi oʻyinni oʻtkazdi. 1980-yil 26-yanvarda Einar Bundesligadagi birinchi oʻyinni "Shalke" ga qarshi oʻtkazdi, unda „Bavariya“ 3:1 hisobida gʻalaba qozondi. 1979/80-yilgi Germaniya chempionatida himoyachi 6 ta oʻyin oʻtkazib, 1 ta gol urdi, „Bavariya“ chempionlikni qoʻlga kiritdi. 1980/81-yilgi Germaniya chempionatida himoyachi 7 ta oʻyin oʻtkazdi va 1981-yil bahorida "Nottingem Forest"ga koʻchib oʻtdi. 1980/81-yilgi Angliya futbol ligasining birinchi divizionida futbolchi 7 ta oʻyin oʻtkazib,1 ta gol urdi, „Nottingem Forest“ chempionatda 7-oʻrinni egalladi.1981/82-yilgi mavsumda himoyachi Angliyaning birinchi divizionida 14 ta oʻyin oʻtkazdi, „Nottingem Forest“ chempionatda 12-oʻrinni egalladi. 1983-yilda futbolchi Mossga koʻchib oʻtdi va Norvegiya kubogini yutishda yordam berdi. 1987-yilda u 22 ta oʻyin oʻtkazib, jamoasiga Norvegiya chempionatida gʻalaba qozonishga yordam berdi.[1]
Norvegiya terma jamoasi[tahrir | manbasini tahrirlash]
1977-yil 30-iyunda Eynar Aas Norvegiya terma jamoasida Islandiya bilan oʻrtoqlik oʻyinida debyut qildi. Islandiya 2:1 hisobida gʻalaba qozondi. 1978-1979-yillarda futbolchi Yevro-1980 saralash turnirida 8 ta oʻyin oʻtkazib, 1 ta gol urgan, Norvegiya guruhda oxirgi oʻrinni egallab, final turniriga chiqa olmadi. 1980-1981-yillarda Einar 1982-yilgi jahon chempionati saralash turnirida 7 ta oʻyin oʻtkazdi, jumladan, 1981-yil 9-sentyabrda Angliyaga qarshi oʻyinda Norvegiya 2:1 hisobida gʻalaba qozondi. Norvegiya terma jamoasi 4-guruhda soʻnggi oʻrinni egalladi va jahon chempionatining final turniriga chiqa olmadi. 1981-1986-yillarda Norvegiya terma jamoasida oʻynamagan. Einar Aas 1986-yilda uchta oʻyin oʻtkazdi, shu jumladan Yevro-1988 saralash turnirida ikkita oʻyin. Shimoliy Yevropa chempionati va futbol boʻyicha 1980-yilgi Olimpiya oʻyinlari saralashini hisobga olgan holda, Einar Yan Aas 35 ta oʻyin oʻtkazib, 3 ta gol urgan.[2]
Yutuqlar[tahrir | manbasini tahrirlash]
- Germaniya chempioni: 1979/80
- Norvegiya chempioni: 1987-yil
- Norvegiya kubogi sohibi: 1983-yil
Manbalar[tahrir | manbasini tahrirlash]
- ↑ „Einar Aas“. Home.no. 5-avgust 2012-yilda asl nusxadan arxivlangan. Qaraldi: 2-noyabr 2011-yil.
- ↑ Bugge, Mette. 40 år og fortsatt full fart (Norwegian). Aftenposten (5-sentabr 2008-yil), s. 20.