Egil Gjelland

Egil Gjelland (1973-yil 12-noyabrda tugʻilgan) — sobiq norvegiyalik biatlonchi. U 2002-yilda Solt-Leyk-Siti shahrida boʻlib oʻtgan qishki Olimpiya oʻyinlarining biatlon estafetasi boʻyicha Olimpiya chempioni hisoblqnadi.

Egil Gjelland koʻplab jahon darajasidagi biatlonchilarni yetishtrgan Vossda oʻsgan va 15 yoshida biatlon bilan shugʻullana boshlagan. U terma jamoaga ilk bor 1996-yilda kelgan.

Gjellandning kuchi — otishda yaxshi natijaga erisha olishidir.. Uning eng katta gʻalabalari Norvegiyaning estafeta jamoasida boʻlgan, oʻzini sovuqqonlik va aniq zarba berish qobiliyati tufayli bir necha yillardan beri muntazam terma jamoa oʻyinchisi boʻlib kelgan. 2002-yilda Solt-Leyk-Sitidagi Olimpiadada Ole Eynar Byorndalen, Halvard Hanevold va Frode Andresen bilan birgalikda estafeta boʻyicha oltin medalni qoʻlga kiritgan. 2005-yilda Xochfilzenda boʻlib oʻtgan biatlon boʻyicha jahon chempionatida Gjelland yana estafetada jamoasiga gʻalaba qozonishga yordam bergan, bu Norvegiyaning 38 yil davomida jahon chempionatlarida birinchi estafeta-oltini hisoblanadi. U 2004-yil 17-dekabrda Östersundda boʻlib oʻtgan biatlon boʻyicha Jahon kubogida bitta poygada gʻolib chiqqan.

Egil Gjellandning asosiy kasbi duradgorchilik. 2002-yilda u biatlonchi Ann-Elen Skjelbreydga turmushga chiqqan. Ularning Kristi ismli bir qizi bor (2004-yilda tugʻilgan). Ular Norvegiya gʻarbidagi Fusadagi Skjelbreid fermasida yashaydilar.

Musobaqani tark etganidan beri Gjelland Norvegiya biatlon jamoasida murabbiy boʻlib ishlagan va u 2014—2015-yilgi mavsum oldidan Norvegiya erkaklar biatlon terma jamoasiga bosh murabbiy etib tayinlangan, u ilgari Norvegiya ayollar jamoasi uchun ham musobaqalarda faol boʻlgan^[1]. 2018-yilda biatlon boʻyicha Chexiya ayollar terma jamoasining bosh murabbiyi sifatida eʼlon qilingan va u Chexiya biatlon assotsiatsiyasida vatandoshi va erkaklar terma jamoasining yordamchi murabbiyi Anders Magnus Bratli bilan birga ishlagan birinchi xorijlik murabbiyga aylangan^[2]^[3].