Dominantlik

Vikipediya, ochiq ensiklopediya

Dominantlik (lot. dominans — hukmron, ustun) — allellarning gomo va geterozigota holatlarida belgilarning fenotipik namoyon boʻlishi. Gen allellarining oʻzaro munosabat shakli D.da bir allel boshqa allel ustidan toʻliq (toʻliq D.) yoki toʻliqsiz (chala D.) ustunlik qiladi. "D" tushunchasini genetika faniga G. Mendel kiritgan. D. qiluvchi allellar (genlar) katta harflar (A, V), retsessiv allellar kichik harflar (a, v) bilan ifodalanadi. Organizmlar genetipida dominant genlarning yigʻilishi koʻpchilik hollarda hayotchanlikni oshirishga, xoʻjalik jihatdan qimmatli belgilarni yaxshilashga imkon beradi. D. tibbiyot va q.x.da muhim ahamiyatga ega.

Adabiyot[tahrir]

  • OʻzME. Birinchi jild. Toshkent, 2000-yil