Clinton Haines
| Clinton Haines | |
|---|---|
| Tavalludi |
10-aprel 1976-yil |
| Vafoti |
10-aprel 1997-yil (21 yoshda) Kvinslend, Avstraliya |
| Fuqaroligi | Avstraliya |
| Kasbi | Xaker |
Clinton 'Clintʼ Haines (10-aprel 1976-yil – 10-aprel 1997-yil St Lucia, Kvinslend, Avstraliya) avstraliyalik kompyuter xakeri edi. Shuningdek, Harry McBungus, TaLoN va Terminator-Z nomlari bilan ham tanilgan[1].
Haines Ipswich grammatika maktabida oʻqigan. U oʻzining assembler tilidagi birinchi kompyuter virusini 1990-yillarning boshida A86 dasturi yordamida yaratgan.
Haines NoFrills, Dudley, X-Fungus/PuKE, Daemaen va 1984-yildagi viruslarning yaratuvchisi hisoblanadi. NoFrills Avstraliya soliq idorasini (ATO) tizimini buzib kirgan[2]. Bu virus kompaniya menejeri Len Grooves tomonidan „mutlaqo xavfsiz“ deb taʼriflangan. Grooves shunday qoʻshimcha qilgan: „Bu normal virus… Uni kompyuter sohasida oʻqiydigan birinchi kurs talabasi yaratishi mumkin edi. Aslida, unda dizayn va kodlar bilan bogʻliq juda jiddiy xatolar bor edi. Men bu dasturchini ishga olmagan boʻlardim“[2]. Shunga qaramay, ATO virus tarqalishining oldini olish uchun virus yoʻq qilinmaguncha barcha 15 000 kompyuterlarini oʻchirishga qaror qilgan[3].
Uning Dudley virusi Telstra (oʻsha paytda Telecom Australia deb atalgan) kompyuterlarini zararlagan. Ularning tizimini ikki soat ichida oʻchirib qoʻygan[4]. Dudley virusi No Frills kodining [Oi Dadley! [PuKE] matni bilan yaratilgan koʻrinishi edi.
Haines 1997-yilda Brisbenda 21 yoshini nishonlayotganida geroinning dozasi oshib ketishi oqibatida vafot etgan[4][5][6]. Vafotiga qadar u Kvinslend universitetining mikrobiologiya yoʻnalishi boʻyicha oʻqiyogan edi[4]. Uning sharafiga VLAD taxallusli xaker tomonidan RIP Terminator-Z nomli kompyuter virusi yaratilgan[7].
Manbalar[tahrir | manbasini tahrirlash]
- ↑ Robotham. „The hacker who burned too bright“. The Sydney Morning Herald (1997-yil 28-aprel). 2016-yil 18-oktyabrda asl nusxadan arxivlangan.
- ↑ 2,0 2,1 Lowe. „Take a pill and don't call us in the morning“. The Sydney Morning Herald (1995-yil 7-mart). 2016-yil 4-martda asl nusxadan arxivlangan.
- ↑ Robotham. „Death of the virus king“. The Sydney Morning Herald (1997-yil 5-may). 2017-yil 17-avgustda asl nusxadan arxivlangan.
- ↑ 4,0 4,1 4,2 Robotham. „Death of the virus king“. The Sydney Morning Herald (1997-yil 5-may). 2017-yil 17-avgustda asl nusxadan arxivlangan. Robotham, Julie (5 May 1997). „Death of the virus king“. The Sydney Morning Herald. Archived from the original on 17 August 2017.
- ↑ Julie Robotham. „Live fast, die young: Obsessed by viruses and heroin“. The Sydney Morning Herald (1997-yil 6-may). 2007-yil 26-fevralda asl nusxadan arxivlangan.
- ↑ Lowe. „The hacking hall of fame“. The Sydney Morning Herald (1998-yil 27-oktyabr). 2017-yil 17-avgustda asl nusxadan arxivlangan.
- ↑ Robotham. „The hacker who burned too bright“. The Sydney Morning Herald (1997-yil 28-aprel). 2016-yil 18-oktyabrda asl nusxadan arxivlangan. Robotham, Julie (28 April 1997). „The hacker who burned too bright“. The Sydney Morning Herald. Archived from the original on 18 October 2016.